Live Mon, Nov 16, 2026
Rajkot • 31°C Sunny

લોકોની દિવાળી હવે સરકારના હાથમાં છે’, જાણો સુપ્રીમ કોર્ટે આવું કેમ કહ્યું?

નવી દિલ્હી: મોરેટોરિયમ મામલાની સુનાવણી દરમિયાન સુપ્રીમ કોર્ટે કેન્દ્રને 2 કરોડ રૂપિયા સુધીની લોન પર વ્યાજ માફી આપવાના મામલામાં સર્કુલર બહાર પાડવા માટે 2 નવેમ્બર સુધીનો સમય આપ્યો છે. સુપ્રીમ કોર્ટે કહ્યું કે, લોકોની દિવાળી હવે સરકારના હાથમાં છે. કેન્દ્ર સરકારે બધી ઔપચારિકતાઓની વાત કરી નિર્ણયને લાગુ કરવા માટે એક મહિનાનો સમય માગ્યો. કોર્ટે કેન્દ્રની આ અપીલ નકારતા કહ્યું કે, જ્યારે નિર્ણય પહેલા જ લેવામાં આવી ચૂક્યો છે તો તેને લાગુ કરવામાં આટલો વધુ સમય શા માટે લાગવો જોઈએ? ત્રણ જજોની પીઠના સભ્ય જસ્ટિસ એમઆર શાહે કહ્યું કે, ‘સામાન્ય લોકોની દિવાળી હવે સરકારના હાથમાં છે.’ સુનાવણી દરમિયાન કેન્દ્ર સરકારે કહ્યું કે, મોરેટોરિયમ સમયગાળા દરમિયાન બે કરોડ સુધીની લોનના વ્યાજ પરના વ્યાજમાં છૂટના મામલે 15 નવેમ્બર સુધીમાં સર્કુલર બહાર પાડી દેવાશે. ત્યારે સુપ્રીમ કોર્ટે સવાલ કર્યો કે, આખરે આ નિર્ણયને લાગુ કરવા માટે આટલો સમય શા માટે જોઈએ? સુપ્રીમ કોર્ટે સુનાવણી માટે બે નવેમ્બરની તારીખ નક્કી કરી ચે, જેથી સરકાર સર્કુલર અને આદેશ બહાર પાડી શકે.

સુપ્રીમ કોર્ટે આ પહેલા કેન્દ્ર સરકારે એફિડેવિટ કરીને કહ્યું હતું કે, બે કરોડ સુધીની લોનના વ્યાજ પરના વ્યાજમાં છૂટ ઉપરાંત કોઈ રાહત આપવી શક્ય નથી. સુપ્રીમ કોર્ટે 5 ઓક્ટોબર થયેલી સુનાવણી દરમિયાન કેન્દ્ર સરકાર અને આરબીઆઈને કહ્યું હતું કે, તે કેવી કામથ કમિટીની ભલામણોનો રેકોર્ડ રજૂ કરે. ભલામણ બાદથી આરબીઆઈ અને કેન્દ્ર સરકારે લોન મોરેટોરિયમથી લઈને તમામ નોટિફિકેશન અને સર્કુલર બહાર પાડ્યા છે. સુપ્રીમ કોર્ટે કહ્યું હતું કે, તમામ નિર્ણય અને સર્કુલરનો ડીટેલ રેકોર્ડ રજૂ કરવામાં આવે. બુધવારની સુનાવણી પછી સુપ્રીમ કોર્ટે સુનાવણી બે નવેમ્બર સુધી ટાળી દીધી છે.

શું છે આ સમગ્ર મામલો?

કોરોના સંક્રમણને રોકવા માટે કેન્દ્ર સરકારે સમગ્ર દેશમાં લોકડાઉન લાગુ કર્યું હતું. એ સમયે ઉદ્યોગ ધંધા સંપૂર્ણ ઠપ હતા. એટલે વેપારીઓ અને કંપનીઓ માટે મુશ્કેલીઓ ઊભી થઈ ગઈ. ઘણા લોકોની નોકરીઓ જતી રહી. એવામાં લોનના હપ્તા ચૂકવવા મુશ્કેલ હતા. એવામાં રિઝર્વ બેંકે લોન મોરેટોરિયમની સગવડ આપી હતી. એટલે કે લોન પરના હપ્તા ભરવામાં રાહત આપી હતી. આ લોન મોરેટોરિયમનો લાભ લીધો હોય અને હપ્તા ન ભર્યા હોય તો એટલા હપ્તાનું વ્યાજ લોનની રકમમાં જોડવામાં આવશે. એટલે કે, હવે લોનની રકમ+વ્યાજ પર વ્યાજ લગાશે. આ વ્યાજ પરના વ્યાજનો મામલો સુપ્રીમ કોર્ટમાં છે.

Share Story: Facebook 𝕏 Post Telegram
Y

YHNI

Editorial Contributor • Yeh Hai News India Vav Banaskantha Bureau

Related News Stories

નવા વર્ષના પ્રથમ દિવસે અંબાજી મંદિરે ભક્તોની ભીડ, ચેન્નઈના પરિવારે માતાજીને 26.91 લાખનો સોનાનો હાર અર્પણ કર્યો Breaking
ગુજરાત • 📍 બનાસકાંઠા • Nov 10, 2026

નવા વર્ષના પ્રથમ દિવસે અંબાજી મંદિરે ભક્તોની ભીડ, ચેન્નઈના પરિવારે માતાજીને 26.91 લાખનો સોનાનો હાર અર્પણ કર્યો

200 ગ્રામ વજનનો નવલખો હાર માતાજીના ચરણે ધરાવાયો; વહેલી સવારથી દર્શન માટે શ્રદ્ધાળુઓ ઉમટ્યા,...
નવાવર્ષના સ્નેહ મિલન:ખાટલા બેઠકમાં શંકરભાઈ ચૌધરીની જાહેરાત: વાવ-થરાદમાં 1,000 ઉદ્યોગપતિ તૈયાર કરાશે Breaking
ગુજરાત • 📍 વાવ થરાદ • Nov 10, 2026

નવાવર્ષના સ્નેહ મિલન:ખાટલા બેઠકમાં શંકરભાઈ ચૌધરીની જાહેરાત: વાવ-થરાદમાં 1,000 ઉદ્યોગપતિ તૈયાર કરાશે

યુવાનોને તાલીમ અને લોનની વ્યવસ્થા કરાશે; ખેડૂતોને ટપક સિંચાઈ માટે 80થી 90 ટકા સબસિડી...
દિવાળી પહેલાં વાવ-થરાદ જિલ્લા પોલીસના 147 કર્મચારીઓને પ્રમોશનની ભેટ, પોલીસ બેડામાં ખુશીનો માહોલ Breaking
ગુજરાત • 📍 વાવ થરાદ • Nov 5, 2026

દિવાળી પહેલાં વાવ-થરાદ જિલ્લા પોલીસના 147 કર્મચારીઓને પ્રમોશનની ભેટ, પોલીસ બેડામાં ખુશીનો માહોલ

નવા જિલ્લામાં ખાલી પડેલી જગ્યાઓ ભરવાની પ્રક્રિયા પૂર્ણ થતાં ચાર સંવર્ગમાં બઢતી અપાઈ; 37...

Leave a Comment / તમારો અભિપ્રાય આપો

Your email address will not be published. Required fields are marked *

Yeh Hai News India

India's Leading Digital News and Editorial Platform

મુખ્ય સંપર્ક અને કાર્યાલય (Office & Contact)

📍 મહારાણા પ્રતાપ માર્ગ, વાવ, જિલ્લો બનાસકાંઠા, ગુજરાત - 385575
🏛️ RNI / Registration: