Live Sun, Nov 22, 2026
Rajkot • 31°C Sunny
📍 વાવ થરાદ

વાવ-થરાદમાં નવરાત્રિને લઈને કડક જાહેરનામું, ગરબા આયોજકો માટે સુરક્ષાના નિયમો ફરજિયાત

વાવ-થરાદમાં નવરાત્રિને લઈને કડક જાહેરનામું, ગરબા આયોજકો માટે સુરક્ષાના નિયમો ફરજિયાત

CCTVથી મેટલ ડિટેક્ટર સુધીની વ્યવસ્થા ફરજિયાત; રાત્રે 12 વાગ્યા બાદ સાઉન્ડ સિસ્ટમ પર પ્રતિબંધ

વાવ-થરાદ: નવરાત્રિ અને દશેરાના તહેવારને લઈને વાવ-થરાદ જિલ્લા વહીવટી તંત્ર સક્રિય બન્યું છે. ગરબા સ્થળોએ કોઈ અનિચ્છનીય બનાવ ન બને તે માટે સુરક્ષાના નિયમો જાહેર કરવામાં આવ્યા છે.

ઇ.ચા. જિલ્લા મેજિસ્ટ્રેટ કલ્પેશ કુમાર શર્મા, IAS દ્વારા આ અંગે જાહેરનામું બહાર પાડવામાં આવ્યું છે. જાહેરનામા મુજબ ગરબા આયોજકોએ સુરક્ષા સંબંધિત વિવિધ નિયમોનું પાલન કરવું પડશે.

વાવ થરાદ નવરાત્રી જાહેરનામું

11થી 20 ઓક્ટોબર સુધી જાહેરનામું અમલમાં

જાહેરનામું 11 ઓક્ટોબરથી 20 ઓક્ટોબર 2026 સુધી અમલમાં રહેશે. આ સમયગાળા દરમિયાન યોજાનારા ગરબા અને દશેરાના કાર્યક્રમો માટે આયોજકોએ ખાસ સુરક્ષા વ્યવસ્થા રાખવી પડશે.

ગરબા સ્થળે HD CCTV કેમેરા લગાવવા પડશે. સમગ્ર કાર્યક્રમનું રેકોર્ડિંગ કરવાનું રહેશે. સાથે જ તેનું બેકઅપ પણ સાચવવું પડશે.

પ્રવેશ અને બહાર નીકળવા માટે અલગ ગેટ રાખવાના રહેશે. ઉપરાંત, ઇમરજન્સી માટે અલગ નિકાસ માર્ગ રાખવો પડશે.

મહિલાઓ અને પુરુષો માટે અલગ પ્રવેશ વ્યવસ્થા રાખવાની સૂચના આપવામાં આવી છે. સાથે જ પૂરતો સિક્યુરિટી સ્ટાફ પણ રાખવો પડશે.

મેટલ ડિટેક્ટર અને બ્રેથ એનાલાઇઝર ફરજિયાત

ગરબા સ્થળના પ્રવેશદ્વાર પર સુરક્ષા તપાસ કરવી પડશે. તેના માટે ડોરફ્રેમ મેટલ ડિટેક્ટર અને હેન્ડ મેટલ ડિટેક્ટર રાખવાના રહેશે.

આ ઉપરાંત બ્રેથ એનાલાઇઝર પણ ઉપલબ્ધ રાખવું પડશે. કોઈ શંકાસ્પદ વ્યક્તિ જણાય તો પોલીસને જાણ કરવાની રહેશે.

નશાની હાલતમાં કોઈ વ્યક્તિ મળે તો પણ પોલીસને જાણ કરવાની સૂચના આપવામાં આવી છે.

પાર્કિંગ અને બેરિકેડિંગની વ્યવસ્થા

ગરબા સ્થળની આસપાસ યોગ્ય પાર્કિંગ વ્યવસ્થા કરવી પડશે. પાર્કિંગથી કાર્યક્રમ સ્થળ સુધી જરૂરી બેરિકેડિંગ પણ કરવાનું રહેશે.

આયોજકોએ સ્વયંસેવકો અને સિક્યુરિટી ગાર્ડ સહિતના સ્ટાફને ફોટાવાળા ઓળખકાર્ડ આપવાના રહેશે. ઇલેક્ટ્રિશિયન સહિતના સ્ટાફની વિગતો સ્થાનિક પોલીસને આપવાની રહેશે.

આગ અને મેડિકલ ઈમરજન્સી માટે ખાસ વ્યવસ્થા

સુરક્ષાની સાથે આગની ઘટનાઓ ટાળવા માટે પણ વ્યવસ્થા કરવી પડશે. ગરબા સ્થળે અગ્નિશામક સાધનો ઉપલબ્ધ રાખવાના રહેશે.

આ ઉપરાંત ઇલેક્ટ્રિક મેન્ટેનન્સ સ્ટાફ અને જનરેટરની વ્યવસ્થા રાખવી પડશે. વૈકલ્પિક લાઇટિંગની સુવિધા પણ ઉપલબ્ધ રાખવાની રહેશે.

મોટી સંખ્યામાં લોકો એકત્ર થતા સ્થળે પ્રાથમિક સારવારની વ્યવસ્થા કરવી પડશે. જરૂરી મેડિકલ સુવિધા સાથે એમ્બ્યુલન્સ માટે અલગ ઇમરજન્સી ગેટ રાખવાનો રહેશે.

રાત્રે 12 વાગ્યા બાદ સાઉન્ડ સિસ્ટમ બંધ

નવરાત્રિ દરમિયાન ગરબા મંજૂર સમયમર્યાદામાં જ યોજવાના રહેશે. રાત્રે 12 વાગ્યા બાદ માઇક, લાઉડ સ્પીકર કે અન્ય સાઉન્ડ સિસ્ટમ વગાડી શકાશે નહીં.

આ ઉપરાંત હોસ્પિટલ, શૈક્ષણિક સંસ્થા અને અદાલત જેવા સાઇલન્સ ઝોનમાં પણ અવાજ અંગેના નિયમોનું પાલન કરવું પડશે.

સાઇલન્સ ઝોનની આસપાસ 100 મીટર અથવા વધુ વિસ્તારમાં લાઉડ સ્પીકરના ઉપયોગ પર નિયંત્રણ રહેશે.

મોટા ગરબા સ્થળે ચાર વોચ ટાવર

મોટા ગરબા સ્થળોએ ચારેય દિશામાં ચાર વોચ ટાવર ઉભા કરવાની સૂચના આપવામાં આવી છે. ત્યાંથી દરરોજ વીડિયો શૂટિંગ કરવાની રહેશે.

પોલીસ સ્થળનું નિરીક્ષણ કરી શકે તે માટે CCTV મોનિટરિંગ સેટઅપ રાખવાનું રહેશે. સાથે જ દિવસ દરમિયાન પણ જરૂરી સુરક્ષા વ્યવસ્થા જાળવવી પડશે.

પોલીસ અને હોસ્પિટલના સંપર્ક નંબર રાખવા પડશે

ગરબા આયોજકોએ નજીકના પોલીસ સ્ટેશનના સંપર્ક નંબર પોતાની પાસે રાખવાના રહેશે. આ ઉપરાંત પોલીસ અધિકારી, હોસ્પિટલ, ફાયર સ્ટેશન અને પોલીસ કંટ્રોલ રૂમના નંબર પણ ઉપલબ્ધ રાખવા પડશે.

કોઈ અનિચ્છનીય બનાવ બને તો તાત્કાલિક પોલીસ અને કંટ્રોલ રૂમને જાણ કરવાની રહેશે.

અફવા અને અશોભનીય કાર્યક્રમો પર રોક

ગરબા અને દાંડીયા રાસ દરમિયાન જાહેર સુરૂચિ જળવાય તેનું પણ ધ્યાન રાખવું પડશે. ધાર્મિક લાગણી દુભાય તેવા ગીતો અથવા કાર્યક્રમો યોજી શકાશે નહીં.

આ ઉપરાંત ખેલૈયાઓને અશિષ્ટ અથવા અભદ્ર વેશભૂષા ન પહેરવા જણાવાયું છે. ગરબા દરમિયાન અફવા ફેલાવવા પર પણ રોક રહેશે.

માઇક પરથી અફવાઓનું પ્રસારણ કરવા પર પણ નિયંત્રણ રહેશે.

નિયમોનો ભંગ કરનાર સામે કાર્યવાહી

જાહેરનામાનો ભંગ કરનાર સામે સંબંધિત કાયદા મુજબ કાર્યવાહી કરવામાં આવશે. તેથી ગરબા આયોજકોએ જાહેરનામામાં દર્શાવેલા તમામ નિયમોનું પાલન કરવું પડશે.

આ જાહેરનામું 11 ઓક્ટોબરથી 20 ઓક્ટોબર 2026 સુધી અમલમાં રહેશે.

Source: Yeh Hai News India
Share Story: Facebook 𝕏 Post Telegram
ધ

ધ્રુપલ કલાલ ( જયસ્વાલ )

Editorial Contributor • Yeh Hai News India Vav Banaskantha Bureau

Related News Stories

ચેક રિટર્ન કેસમાં ભાભર કોર્ટનો ચુકાદો: આરોપીને એક વર્ષની કેદ, રૂ. 2.50 લાખ ચૂકવવાનો હુકમ Breaking
ક્રાઇમ (Crime) • 📍 વાવ થરાદ • Nov 19, 2026

ચેક રિટર્ન કેસમાં ભાભર કોર્ટનો ચુકાદો: આરોપીને એક વર્ષની કેદ, રૂ. 2.50 લાખ ચૂકવવાનો હુકમ

વાવના ગંભીરપુરાના વિષ્ણુભાઈ માળીને સજા; ફરિયાદીને રકમ નહીં ચૂકવે તો વધારાના બે માસની કેદ...
આદિજાતિ વિદ્યાર્થીઓ માટે શિક્ષણ સહાયમાં સરકારનો મોટો ખર્ચ! પાંચ વર્ષમાં પ્રિ-મેટ્રિક હેઠળ 58.38 લાખથી વધુ વિદ્યાર્થીઓને લાભ Breaking
ગુજરાત • 📍 વાવ થરાદ • Nov 19, 2026

આદિજાતિ વિદ્યાર્થીઓ માટે શિક્ષણ સહાયમાં સરકારનો મોટો ખર્ચ! પાંચ વર્ષમાં પ્રિ-મેટ્રિક હેઠળ 58.38 લાખથી વધુ વિદ્યાર્થીઓને લાભ

પોસ્ટ-મેટ્રિક શિષ્યવૃત્તિ હેઠળ 32,226 વિદ્યાર્થિનીઓને રૂ. 420.28 કરોડની સહાય; આવકમર્યાદા વધારી રૂ. 6 લાખ...
કુંડાળીયા ગામની સીમમાંથી માનવ અવશેષો મળી આવતાં ચકચાર! ગુમ યુવક સુખદેવ કોળીના હોવાની પરિવારને આશંકા Breaking
ક્રાઇમ (Crime) • 📍 વાવ થરાદ • Nov 17, 2026

કુંડાળીયા ગામની સીમમાંથી માનવ અવશેષો મળી આવતાં ચકચાર! ગુમ યુવક સુખદેવ કોળીના હોવાની પરિવારને આશંકા

ખેતરના પાળે ઝાડીમાંથી ખોપરી, પગના ભાગ સહિત હાડકાં મળ્યાં; માવસરી પોલીસ, FSL અને આરોગ્ય...

Leave a Comment / તમારો અભિપ્રાય આપો

Your email address will not be published. Required fields are marked *

Yeh Hai News India

India's Leading Digital News and Editorial Platform

મુખ્ય સંપર્ક અને કાર્યાલય (Office & Contact)

📍 મહારાણા પ્રતાપ માર્ગ, વાવ, જિલ્લો બનાસકાંઠા, ગુજરાત - 385575
🏛️ RNI / Registration: