ડીસા સહિત સમગ્ર બનાસકાંઠા જિલ્લામાં જિલ્લા ઘણા સમયથી માર્ગ અકસ્માતના બનાવવામાં સતત ચિંતાજનક વધારો થઈ રહ્યો છે ખાસ કરીને ડીસા સહિત આજુબાજુના વિસ્તારોમાં રાત્રિના સમયે રોજબરોજ અનેક અકસ્માતોની ઘટનાઓ સામે આવી રહી છે ત્યારે વધતી જતી અકસ્માતોની ઘટનાઓને લઈ હાલમાં અનેક લોકો મોતને ભેટ્યા છે તો અનેક લોકો ઇજાગ્રસ્ત થયા છે ત્યારે ડીસા ના માલગઢ ગામે ગોગાઢાણી વિસ્તારમાં રહેતો મુકેશ ગેલોત નામનો 22 વર્ષીય યુવક પોતાનું બાઈક લઈને ડીસા તરફ આવી રહ્યો હતો તે સમયે પુરપાટ ઝડપી આવી રહેલા જીપડાલા ના ચાલકે બાઈક ને અડફેટે લેતા અકસ્માત સજાયો હતો. અકસ્માતમાં બાઈક ચાલક મુકેશ રોડ પર પટકાતા અનેક ગંભીર ઈજા પહોંચતા તે લોહી લુહાણ થઈ ગયો હતો. બનાવને પગલે આજુબાજુના લોકોએ જાણ કરતા 108 એમ્બ્યુલન્સ વાન ની ટીમ તાત્કાલિક ઘટના સ્થળે આવી પહોંચી હતી અને ઇજાગ્રસ્ત બાઇક ચાલક ને સારવાર માટે ડીસાની સરકારી હોસ્પિટલમાં ખસેડાયો હતો, જોકે ઈજાગ્રસ્ત યુવકની તબિયત વધારે ગંભીર જણાતા તેને વધુ સારવાર માટે ખાનગી હોસ્પિટલમાં ખસેડાયો છે . . .