આનંદ અને ખુશીની વાત એ છે કે, કેન્દ્રીય મંત્રી પુરુષોત્તમ રુપાલાએ આઈસીએઆઈઆર દ્વારા શોધાયેલી લમ્પી માટેની રસી લોન્ચ કરી છે. ખાસ લમ્પી માટે શોધાયેલી જ નવી રસી ટૂંક સમયમાં જ મળશે. આ રસીના ઉપયોગથી લમ્પીને પ્રશરતો અટકાવીશું જે પશુઓ સારવાર લઈ રહ્યા છે તે પશુઓ ઝ઼ડપી મુક્ત થાય તે પ્રકારનું આયોજન છે.આ સાથે વધુમાં કહ્યું કે, 23 જિલ્લામાં પ્રશરેલા વાયરસને અટકાવવા ઝુંબેશ ચાલી રહી છે તે મોટાપ્રમાણમાં ચાલી રહી છે. સીએમના માર્ગદર્શન હેઠળ આ પ્રક્રીયા ચાલી રહી છે. અસરગ્રસ્ત પશુઓને આઈસોલેટ કરવામાં આવી રહ્યા છે. આ રોગ ફેલાવવાની તીવ્રતામાં ઘટાડો થયો છે. તેમ કૃષીમંત્રીએ કહ્યું હતું. સાજા થનાર પશુઓની સંખ્યામાં ઘટાડો થઈ રહ્યો છે. જે દૂધ ઉત્પાદકો સંઘ પાસે વેટનરી ડૉક્ટરો છે તેઓ પણ મદદ કરી રહ્યા છે. વેટનરીના સ્ટુડન્ટસ, પ્રોફેસરો પણ લમ્પીના રોગને અટકાવવા માટે મદદ કરી રહ્યા છે.અત્ચાર સુધીમાં લમ્પીગ્રસ્ત જિલ્લામાં રસીકરણ 31,14,112 પશુઓનું કરાયું છે. 33 જિલ્લામાંથી 23 જિલ્લામાં લમ્પીએ ભરડો લીધો છે. અસરગ્રસ્ત પશુઓની સંખ્યા 76,154 થઈ છે. અત્યાર સુધીમાં 54,025 પશુઓ સ્વસ્થય થયા છે.