હિન્દુ યુવા સંગઠન દ્વારા 15 મી ઓગસ્ટ નિમિત્તે તિરંગા યાત્રા નીકાળવામાં આવી

બનાસકાંઠા જિલ્લાના ડીસા ખાતે હિન્દુ યુવા સંગઠન દ્વારા 15 મી ઓગસ્ટ નિમિત્તે તિરંગા યાત્રાનું આયોજન કરવામાં આવ્યું હતું અને આ યાત્રા રીસાલા ચોકથી ભવ્ય તિરંગા યાત્રા શહેરના રાજમાર્ગો પર નિકળી હતી. તેમજ રાજકીય પક્ષો સહિત વેપારી એસોસિયેશન દ્વારા પુષ્પવર્ષા કરી આ યાત્રાનું ભવ્ય સ્વાગત કરવામાં આવ્યું હતું અને હિન્દુ યુવા સંગઠનના સંસ્થાપક નીતીનભાઇ સોની સાથે ડીસા શહેર પ્રમુખ હરેશભાઈ ઠક્કર તેમજ હિન્દુ યુવા સંગઠનના તાલુકા પ્રમુખ દિપકભાઈ કચછવા સાથે તમામ હોદ્દેદારો કાર્યકર્તાઓ મોટી સંખ્યામાં જોડાયા હતા ડી જે સાઉન્ડ સાથે નીકળેલ ભવ્ય ત્રિરંગા યાત્રામાં મોટી સંખ્યામાં શહેરીજનો જોડાયા હતા. દેશભક્તિ ગીત સાથે સમગ્ર ડીસા શહેર આજે દેશભક્તિના રંગે રંગાયું હતું.અને ત્રિરંગા યાત્રા દરમિયાન દક્ષિણ પોલીસ દ્વારા સુંદર સહકાર પુરો પાડવામાં આવ્યો. અને આ તિરંગા યાત્રા રીસાલા બજાર થી નીકળેલ ત્રિરંગા યાત્રા એસ સી ડબલ્યુ હાઈસ્કૂલ થી અંબિકા ચોક બગીચા સર્કલ ફુવારા સર્કલ ભગવતી સર્કલ ગાંધીચોક થી રીસાલા ચોકમાં સમાપન કરાયું ત્રિરંગા યાત્રામાં હિન્દુ યુવા સંગઠનના સંસ્થાપક નીતીનભાઇ સોની સહિત કાર્યકર્તાઓ મહાકાલ સેના ગુજરાત ના હોદ્દેદારો રંગત ગરબા ક્લાસિકના સંચાલકો સહિત ખૈલયાઓ અને મોટીસંખ્યામાં દેશભક્તો આજે ત્રિરંગા યાત્રામાં જોડાયાં હતાં