સુઇગામ હાઇવેથી કોરેટી ડામર રોડ પર ગાંડા બાવળનું સામ્રાજ્ય, વાહનચાલકોને અવરજવરમાં પડતી ભારે વિપદા

સુઇગામ હાઇવેથી કોરેટી ડામર રોડ પર ગાંડા બાવળનું સામ્રાજ્ય રોડની આજુબાજુ મોટા પ્રમાણમાં ગાંડા બાવળ વાળ ઉગેલા છે આ રસ્તો ટૂંકો છે તથા રસ્તો ઘણો સારો છે અને ટ્રાફિક ઓછો હોવાથી ખાનગી વાહનોની અવરજવ આ માર્ગેથી મોટા પ્રમાણમાં થાય છે. ટુ વ્હીલર, થ્રી વીલર રાત્રી દરમિયાન લોકો નીકળતા હોય છે આ ગાંડા બાવળ ઉગેલા હોવાથી રોડના વળાંક પરથી અવર જવર કરતા વાહનો એકમેકને જોઈ ન શકતા અકસ્માત થવાની સંભાવના મોટા પ્રમાણમાં લાગે છે. રાજ્ય સરકારના માર્ગ અને મકાન વિભાગ દ્વારા આ રોડની સાઈડમાં ઉગેલા ગાંડા બાવળ તાત્કાલિક કાપી નાખવાની જરૂર છે. જો આ ગાંડા બાવળ કાપવામાં નહીં આવે તો આ માર્ગે અવરજવર કરતા વાહનો વચ્ચે મોટો અકસ્માત થાય તો નવાઈ નહીં. આ ગાંડા બાવળને લઈને આ માર્ગે અવરજવર કરતા વાહન ચાલકોને પણ ભારે વિપદા પડે છે. સરકારી તંત્ર આ અંગે ઘટતું કરે તેવી લોકમાંગ છે.