ગુજરાતની સીએમ ભૂપેન્દ્ર પટલે ફરી એકવાર દિલ્હી જશે. દિલ્હીમાં મહત્વની બેઠક યોજાવા જઈ રહી છે. આ બેઠકમાં મુખ્યમંત્રી ભૂપેન્દ્ર પટેલ અન્ય રાજ્યોના મુખ્યમંત્રીની જેમ સામેલ થશે. પીએમ નરેન્દ્ર મોદીની અધ્યક્ષતામાં આ બેઠકનું આયોજન કરવામાં આવશે. ખાસ કરીને આ બેઠક કૃષિ અને આરોગ્ય વ્યવસ્થાના વિવિધ મુદ્દાઓને ધ્યાનમાં રાખીને યોજાવા જઈ રહી છે અગાઉ આ બેઠક બે વર્ષ પહેલા મળી હતી. ત્યારે પ્રથમ વખત સીએમ ભૂપેન્દ્ર પટેલ આ બેઠકની અંદર ભાગ લેશે. આ બેઠક રવિવારના રોજ યોજવામાં આવશે. અગાઉ આ બેઠક જ્યારે પહેલા મળી હતી ત્યારે આ બેઠકની અંદર વિજય રુપાણી તત્કાલિન મુખ્યમંત્રી હતા ત્યારે તેમનો ભાગ લીઘો હતો.
દિલ્હી ખાતે નીતી આયોગની પૂર્ણ પરીષદની બેઠકનું આયોજન કરવામાં આવી રહ્યું છે. પીએ નરેન્દ્ર મોદીની અધ્યક્ષતામાં આ બેઠક યોજવામાં આવશે, અગાઉ 2020માં ફેબ્રુઆરી મહિનામાં આ બેઠક યોજવામાં આવી હતી. દેશમાં મહત્વના સેક્ટરો કૃષિ અને આરોગ્ય છે ત્યારે આ મામલે ચર્ચા કરવામાં આવશે. સીએમ દિલ્હી રવિવારે જશે. ગુજરાતના સીએમ ઉપરાંત તમામ રાજ્યોની સીએમને પણ આ બેઠકમાં બોલાવવામાં આવ્યા છે રાજ્યોના મુખ્યમંત્રીઓની સાથે સાથે ઉપ રાજ્યપાલ પણ આ બેઠકમાં હાજર રહેશે. ચૂંટણી પહેલા કેન્દ્રીય નેતાઓ ગુજરાતના પ્રવાસે જઈ રહ્યા છે ત્યારે મુખ્યમંત્રીનો પણ આવતી કાલથી બે દિવસનો દિલ્હી પ્રવાસ યોજવામાં આવી રહ્યો છે.
આ પહેલા જેપી નડ્ડાની ઉપસ્થિતિમાં મળેલી બેઠકમાં ભાગ લીધો હતો
અગાઉ જેપી નડ્ડાની ઉપસ્થિતિમાં બેઠક મળી હતી. દેશના અન્ય ભાજપ શાસિત રાજ્યોના સીએમ આ બેઠકમાં ઉપસ્થિત રહ્યા હતા. જેમાં સીએમ ભૂપેન્દ્ર પટેલે ભાગ લીધો હતો. ચૂંટણી લક્ષી ઔપચારીક ચર્ચા આ દરમિયાન થઈ હતી. ખાસ કરીને આ બેઠકની અંદર અમિત શાહની પણ ઉપસ્થિતિ રહી હતી ત્યારે ગુજરાતના સીએમ ફરી એકવાર જુલાઈ બાદ દિલ્હી પ્રવાસે જઈ રહ્યા છે.
