કલોલની ગાર્ડન સિટી સોસાયટીમાં બંધ પડી રહેલાં બે મકાનમાં બ્લાસ્ટ થતાં મકાન ધરાશાયી થયાં છે. સોસાયટીના બંધ મકાનમાં આજે વહેલી સવારે ભેદી ધડાકો થયો હતો. જેના કારણે તે મકાન સહિત બાજુનું મકાન પણ ધરાશાયી થયું હતું. જેમાં બાજુના મકાનમાં રહેતા વૃદ્ધ મહિલા ઘાયલ થયા હતા તેમજ તેમની સાથે રહેતો યુવાન મકાનના કાટમાળ નીચે દબાયેલા હોવાનું જણાવતા ફાયર બ્રિગેડની ટીમે રેસક્યુ હાથ ધર્યું હતું. મકાનના કાટમાળ માં આગ પણ ચાલુ હતી. બ્લાસ્ટ એટલો તીવ્ર હતો કે અન્ય મકાનો પણ એ પણ ઈજાઓ થઈ હતી. અને સમગ્ર કલોલ નો અનુભવ કર્યો હતો. આ દુર્ઘટનામાં એક વ્યક્તિ દટાઈ હતી તેને તાત્કાલિક બહાર કાઢી હોસ્પિટલ સારવાર માટે ખસેડવામાં આવ્યો હતો પરંતુ ત્યાં સારવાર દરમિયાન તેનું મોત થયું છે. ઘટનાની જાણ થતાં પોલીસ, ગેસ કંપની તેમજ ફાયરની ટીમ પણ ઘટનાસ્થળે આવી પહોંચી હતી.