બનાસકાંઠા જિલ્લામાં વરસાદની આગાહી વચ્ચે વાવ તાલુકામાં ચાર દિવસથી સતત ખાબકેલા મુશળધાર વરસાદ વરસી રહ્યો છે.તો વળી અત્ર,તત્ર સર્વત્ર પાણી જ પાણી થઈ જવા પામ્યું છે. યાત્રાધામ ઢીમામાં આવેલ ઐતિહાસિક માંદેળા તળાવ બુધવારે મોડી રાત્રે ઓવરફ્લો થયું હતું.ઓવરફ્લો થતાં જ ઢીમા સ્મશાન ભૂમિ નજીક રોડ પર અડધો કિમિ પાણી
રોડ પરથી સતત વહી રહ્યું છે.ગુરુવારે દિવસભર પાણીની સપાટીમાં વધારો જોવા મળ્યો હતો..
યાત્રાધામ ઢીમામાં મેઈન કોઝવે પર આવેલ નાળા નાના હોવાથી પાણી નીકળતું નથી ત્યારે ગ્રામપંચાયત દ્વારા જેસીબી મશીન વડે નાળાની સફાઈ કરવામાં આવી હતી.ગામનાં નીચાણવાળા વિસ્તારોમાં વરસાદી પાણીનો ભરાવો થાય છે મળતી માહિતી મુજબ ઢીમામાં મેઈન એપ્રોચ રોડ અને ઢીમા માવસરી રોડ પર બોક્સનાળાનાં અભાવે ગામમાં પાંચ ફૂટ જેટલાં પાણીનો ભરાવો થાય છે.ઢીમાની સંસ્કાર વિદ્યાલયમાં પણ ત્રણ ફૂટ પાણી ભરાઈ જવા પામ્યું છે.તો વળી યાત્રાધામ ઢીમા નીચાણવાળા વિસ્તારોમાં આવેલ માળીવાસ,ઘાંચીવાસ,ઠાકોરવાસ,બજાણીયાવાસ,ઢેમેચાવાસ,દલિતમાં વરસાદી પાણીને કારણે મકાનોમાં પાંચ ફૂટ પાણી ભરાય છે.ત્યારે યાત્રાધામમાં નવીન બે પુલ બનાવવામાં આવે તેવી ગ્રામજનોની માંગ ઉઠી છે