સદરપુર ગામ પાસે બનાસ નદીમાં નવા નીર આવતા લીજ ધારકો ને બહાર કઢાયા

ડીસા તાલુકામાં છેલ્લા બે દિવસથી ધોધમાર વરસાદ વરસી રહ્યો છે જેના કારણે ખેડૂતો અને સ્થાનિક લોકોમાં ખુશી જોવા મળી રહી છે ત્યારે આજે ડીસા સહિત સમગ્ર બનાસકાંઠા જિલ્લામાં ધોધમાર વરસાદ ખાબક્યો હતો ડીસા તેમજ આજુબાજુના ગ્રામીણ વિસ્તારોમાં પણ ભારે વરસાદ વરસ્યો હતો. જેને પગલે સદરપુર ગામ પાસે બનાસ નદીમાં પાણી આવ્યું હતું. સદરપુર ગામમાં સતત ધોધમાર વરસાદથી ગામનું પાણી વ્હોળા માં થઈ નદીમાં આવ્યું હતું. જેથી 6 વર્ષ બાદ પ્રથમવાર કોરીકટ બનાસ નદીમાં અચાનક પાણી આવતા જ લીજ ધારકોએ તેમના મશીનો તાત્કાલિક બહાર કાઢવાની ફરજ પડી હતી. તો બીજી તરફ સૂકી ભટ્ટ બનાસ નદીમાં પાણી આવતા આજુબાજુના લોકો હરખાયા હતા. અને હજુ પણ સતત વરસાદ વરસતો રહે અને બનાસ નદી ફરી જીવન થાય તેવું આજુબાજુના ખેડૂતો અને ગ્રામજનો ઈચ્છી રહ્યા છે.