ડીસા તાલુકા માં ૨૪ કલાક માં ૧૧ ઇંચ વરસાદ ,સર્વત્ર પાણી પાણી ના દ્રશ્યો જોવા મળ્યા

ડીસા સહિત સમગ્ર બનાસકાંઠા જિલ્લામાં સતત 12 કલાક સુધી વરસાદ વરસ્યો હતો. ડીસામાં પણ 11ઇંચ જેટલો વરસાદ ખાબક્યો હતો. મેઘ તાંડવ થી ગામડાઓ બેટમાં ફેરવાઈ ગયા છે ડીસા તાલુકાના માલગઢ ગામમાં પણ ઘરોમાં વરસાદી પાણી ઘૂસી જતા લોકો ભારે મુશ્કેલી માં મુકાયા હતા. મોંઘવારી ની મારથી પીડાતા ગ્રામીણ વિસ્તારના લોકો ને વધુ એકવાર નુકસાન સહન કરવાનો વારો આવ્યો છે. માલગઢ ના પરબડી વિસ્તાર માં લોકોના ઘરોમાં ત્રણથી ચાર ફૂટ જેટલું પાણી ઘુસી જતા ઘરવખરીનો સામાન, પશુઓ અને ઘાસચારો સહિત તમામ માલ સમાન પાણીમાં ગરકાવ થઈ ગયો છે .ત્યારે મોંઘા ભાવે બિયારણ લાવી વાવેતર કરેલા ખેતરો પણ બેટમાં ફેરવાઈ ગયા છે જેથી ખેડૂતોને લાખો રૂપિયાનું નુકસાન વેઠવાનો વારો આવ્યો છે. માલગઢ ના પરબડી વિસ્તારમાં લોકોને કેટલું નુકસાન થયું છે તે ડ્રોન કેમેરાના વિડીયો અને ફોટા પરથી જાણી શકાય છે. અસરગ્રસ્ત લોકોની માંગ છે કે ભારે વરસાદના કારણે ખેડૂતો અને પશુપાલકોને મોટું નુકસાન થયું છે ત્યારે સરકારે ખેડૂતોને વળતર ચૂકવવું જોઈએ . . .