ભારત અને ઝિમ્બાબ્વે વિરૂદ્ધ ત્રણ મેચની સીરિઝની અંતિમ વન ડે મેચમાં ટીમ ઇન્ડિયાએ આંતરરાષ્ટ્રીય મેચમાં 50 ઓવરમાં આઠ વિકેટે 289 રન બનાવ્યા હતા.આ દરમિયાન શુભમન ગિલે સૌથી વધુ રન બનાવ્યા હતા. શુભમન ગિલે વન ડે કરિયરની પ્રથમ સદી ફટકારતા 130 રનની ઇનિંગ રમી હતી. શુભમન ગિલે 97 બોલમાં 15 ફોર અને એક સિક્સરની મદદથી આટલા રન બનાવ્યા હતા. આ દરમિયાન શુભમન ગિલે સચિન તેંડુલકરનો એક 24 વર્ષ જૂનો રેકોર્ડ તોડી નાખ્યો હતો.
ઝિમ્બાબ્વેમાં ભારત તરફથી બેસ્ટ ઇંડિવિજુઅલ સ્કોરનો રેકોર્ડ આ પહેલા સચિન તેંડુલકરના નામે દર્જ હતો. સચિન તેંડુલકરે 1998માં અણનમ 127 રનની ઇનિંગ રમી હતી. શુભમન ગિલે 130 રનની ઇનિંગ સાતે સચિનનો આ રેકોર્ડ તોડી નાખ્યો હતો. ઝિમ્બાબ્વેંમાં ભારત તરફથી બેસ્ટ ODI ઇંડિવિજુઅલ સ્કોર મામલે ત્રીજા નંબર પર અંબાતી રાયડૂ છે જેને 2015માં અણનમ 124 રનની ઇનિંગ રમી હતી.
ચોથા નંબર પર ફરી સચિન તેંડુલકર છે જેને 2001માં વેસ્ટ ઇન્ડીઝ વિરૂદ્ધ અણનમ 122 રનની ઇનિંગ રમી હતી. બીજી તરફ પાંચમા નંબર પર યુવરાજ સિંહ છે. યુવીએ 2005માં 120 રનની ઇનિંગ રમી હતી. ભારતીય ઇનિંગની વાત કરીએ તો શુભમન ગિલ પછી ભારત તરફથી બીજો બેસ્ટ સ્કોરર ઇશાન કિશન રહ્યો હતો, જેને 50 રન બનાવ્યા હતા. વાઇસ કેપ્ટન શિખર ધવને 40 અને કેપ્ટન લોકેશ રાહુલે 30 રનનું યોગદાન આપ્યુ હતુ. જાન્યુઆરી 2019માં આંતરરાષ્ટ્રીય ક્રિકેટમાં ડેબ્યૂ કરનારા શુભમન ગિલ કેટલીક વખત 90ની પાર પહોચ્યો હતો પરંતુ સદી ફટકારી શક્યો નહતો પણ હવે તેને આ જાદુઇ સ્કોરને પાર કરી લીધો છે.
શુભમન ગિલે 82 બોલમાં 12 ફોરની મદદથી વન ડે ક્રિકેટમાં પ્રથમ સદી ફટકારી હતી. આ દરમિયાન તેનો સ્ટ્રાઇકરેટ 121.95નો હતો. ટેસ્ટ ક્રિકેટમાં તેનો સર્વશ્રેષ્ઠ સ્કોર 91 રન હતો અને વન ડે ક્રિકેટમાં તે પ્રથમ 98 રનની ઇનિંગ રમી ચુક્યો છે. 31 જાન્યુઆરી 2019માં તેને વન ડે આંતરરાષ્ટ્રીય ક્રિકેટમાં ડેબ્યૂ કર્યુ હતુ અને ડિસેમ્બર 2022માં તેને ટેસ્ટ ડેબ્યૂ કર્યુ હતુ પરંતુ 20 ઇનિંગ બાદ તેને સદી ફટકારી હતી.
