ડીસા માં કોંગ્રેસ દ્વારા મોંઘવારી મુદ્દે ધારણા યોજી વિરોધ પ્રદર્શન કરતા પોલીસ અટકાયત કરી

સમગ્ર ગુજરાતમાં મોંઘવારીએ માઝા મૂકી છે. કેન્દ્ર સરકાર દ્વારા તાજેતરમાં ખાદ્ય પદાર્થોની ચીજવસ્તુઓ પર જી.એસ.ટી. લગાવી દેવામાં આવી છે.જેને લઇને ગરીબ અને મધ્યમ વર્ગના લોકોની કમર તૂટી ગઇ છે. ગેસના બાટલા રૂ એક હજાર પર પહોંચી ગયો છે.સરકાર દ્વારા દૂધ, દહી, છાશ, અનાજ અને કઠોળ પર જી.એસ.ટી. લગાવી દેવાતાં વિરોધ પક્ષ દ્વારા ઠેર-ઠેર વિરોધ પ્રદર્શન કરી સરકાર સામે ભારે આક્રોશ વ્યક્ત કરવામાં આવી રહ્યો છે.ત્યારે શુક્રવારે ડીસાના સાંઇબાબા સર્કલ નજીક બનાસકાંઠા જીલ્લા કોંગ્રેસ સમિતિ દ્વારા મોંઘવારીના મુદ્દે ધરણાં યોજી ભારે વિરોધ પ્રદર્શન કરાયું હતું.જ્યારે બનાસકાંઠા જીલ્લા કોંગ્રેસ સમિતિ દ્વારા કરવામાં આવેલ વિરોધ પ્રદર્શનની ડીસા વહીવટી તંત્ર દ્વારા મંજૂરી ન અપાતાં ડીસા દક્ષિણ પોલીસ દ્વારા ધરણાં પર બેઠેલા વિરોધ પ્રદર્શન કરી રહેલા કોંગ્રેસનાઆગેવાનો, હોદ્દેદારો અને કાર્યકરોની અટકાયત કરાઇ હતી.