ડીસા IMA ડોકટર હડતાલ માં જોડાયા

બનાસકાંઠા માં આજે એક હજાર થી વધુ ડોક્ટરો એ પોતાની હોસ્પિટલો બંધ રાખી હડતાલ માં જોડાયા છે ગુજરાત હાઇકોર્ટે મૌખિક આદેશ કરી રાજ્ય સરકારને હોસ્પિટલમાં ICU ગ્રાઉન્ડ પર રાખવુ જોઈએ તેમજ કાચના ગ્લાસ દૂર કરવા સહિતની જોગવાઈઓ લાગુ કરવા માટે સૂચના આપી છે. જે અંતર્ગત રાજ્ય સરકારે તમામ હોસ્પિટલો ને સાત દિવસમાં આદેશનું પાલન કરવા માટે ની નોટિસ આપવામાં આવી રહી છે. આ નિર્ણય ના વિરુદ્ધમાં  આજે IMA ગુજરાતના 30,000 થી વધુ ડોક્ટરો જોડાયા છે અને 4000 થી વધુ હોસ્પિટલોમાં 24 કલાક સુધી તમામ પ્રકારની સેવાઓ બંધ રાખવામાં આવી છે.IMA સમર્થન માં ડીસા IMA ના તમામ ડોક્ટરો પણ જોડાયા હતા. આ લડત માં બનાસકાંઠા માં આવેલી ટ્રસ્ટની હોસ્પિટલો, લેબોરેટરી, નર્સિંગ હોમ,પ્રસુતિ ગૃહ, ઓપીડી અને ઇમર્જન્સી સહિત તમામ સેવાઓ બંધ રાખી 170 થી વધુ ડોક્ટરોએ વિરોધ દર્શાવ્યો હતો. 24 કલાક સુધી ચાલનારી આ હડતાલમાં ઈમરજન્સી ધરાવતા દર્દીઓને નજીકની સરકારી હોસ્પિટલમાં મોકલવામાં આવશે. IMA ડીસા ના પ્રમુખ ડો. બળવંત પંચાલે જણાવ્યું હતું કે સાત દિવસમાં કોઈપણ મોટી હોસ્પિટલમાંથી આઈસીયુ ગ્રાઉન્ડ ફ્લોર પર લાવવું એ શક્ય નથી. આ નિર્ણય અતાર્કિકઅને અયોગ્ય છે સરકારે આના માટે ડોક્ટરો સાથે મળીને લોકોના હિતમાં વિચાર કરવો જોઈએ અને રસ્તો નીકળવો જોઈએ..