ગુજરાતમાં નવી સરકાર આવતા બદલીના ઓર્ડર અપાઈ રહ્યા છે. ત્યારે પોલીસ ખાતામાં પણ બદલી થઇ રહી છે. જેને લઈ વાવ તાલુકા પોલીસ સ્ટેશન ના બાહોશ મહિલા પી.એસ.આઈ. આશાબેન શાહ ને બદલીનો ઓર્ડર આપવામાં આવ્યો હતો. જેમની બદલી વાવ થી સાબરકાંઠા માં કરવામાં આવી છે ત્યારે વાવ ના પોલીસ સ્ટાફ અને ગ્રામજનો દ્વારા અનોખો વિદાય સમારોહ યોજવામાં આવ્યો હતો. પી.એસ આઈ. એબી શાહ ને વિદાય આપી હતી. તેમજ ફૂલો નો વરસાદ કરીને વિદાય કરાયા હતા.
વિદાય સમારોહમાં પોલીસ સ્ટાફ ભાવુક દ્રશ્યો જોવા મળ્યા હતા. સાથે જ સરહદી પંથક માં ખુબ જ સારી કામગીરી કરનાર પી.એસ.આઈ.ની વિદાય વેળાએ સૌ કોઈ દુખી થયા હતા. અને પી.એસ.આ.ઈ આશાબેન શાહ ભાવુક થયા હતા અને ગામ ના અગ્રણી અને પોલીસ સ્ટાફ ભાવુક પણ થયા હતા.આમ પોલીસ અને જનતા વચ્ચે લાગણીના આવા દ્રશ્યો જોવા મળ્યા હતા અને ખાખીની પાછળ છુપાયેલી સંવેદના બહાર આવી હતી.