હવામાન વિભાગની આગાહીના પગલે ડીસા સહિત સમગ્ર બનાસકાંઠા જિલ્લામાં છેલ્લા એક અઠવાડિયા થી સતત વરસાદ વરસી રહ્યો છે જેના કારણે અનેક જગ્યાએ લોકોને નુકસાન વેઠવું પડ્યું છે. છેલ્લા બે દિવસથી ડીસા શહેરી વિસ્તારમાં પણ વરસાદ વરસી રહ્યો છે જેના કારણે અનેક વિસ્તારોમાં ભારે વરસાદી પાણી ભરાયા હતા ભારે વરસાદ ના કારણે સોસાયટીઓમાં પણ વરસાદી પાણી ફરી વળ્યા હતા તેના કારણે મોટાભાગના લોકોને નુકસાન વેઠવાનો વારો આવ્યો છે ત્યારે ડીસાના હરસોલિયા વાસમાં પણ મુખ્ય ગટર લાઈન પાસે આવેલ ત્રણ મકાનો ધારા શાહી થયા હતા. એક અઠવાડિયાથી સતત વરસતા વરસાદના કારણે મુખ્ય ગટર લાઈનમાં ચોમાસા ના પાણીનો પ્રવાહ વધ્યો હતો અને તેના કારણે ગટરની દીવાલ ને અડીને આવેલ મુકેશભાઈ લુહાર, બાબુભાઈ પંડ્યા અને કિશનલાલ દિનકર ના ત્રણ મકાન ની મુખ્ય દીવાલો અને સંડાસ,બાથરૂમ સહિત મોટાભાગના મકાન ધારા શાહી થઈ ગયા હતા . સબનસીબે જાનહાની ટળી હતી પરંતુ મકાનની દિવાલો ધારા શાહી થતા ઘરવખરી ને પણ નુકસાન થયું છે ત્રણેય મકાનમાલિકોને અંદાજિત ત્રણથી ચાર લાખ રૂપિયા જેટલું નુકસાન થયું છે. બનાવને પગલે વોર્ડ નંબર 6 ના નગરસેવક નયનાબેન સોલંકી અને પૂનમબેન ભાટી તાત્કાલિક ઘટના સ્થળે પહોંચ્યા હતા અને અસરગ્રસ્ત મકાન માલિકોને સાંત્વના આપી નગરપાલિકા વતી બનતી મદદ કરવાની ખાત્રી આપી હતી . . . .