ઈલોન મસ્ક લઈને આવી રહ્યા છે નવું સોશિયલ મીડિયા પ્લેટફોર્મ ? નામ પણ આવ્યું સામે

ટેસ્લાના સીઈઓ એલોન મસ્ક ટ્વિટર સાથે ચાલી રહેલી કાનૂની લડાઈ વચ્ચે કંઈક મોટું કરવા તૈયાર છે. રિપોર્ટ અનુસાર, Elon Musk ટૂંક સમયમાં જ તેનું નવું સોશિયલ મીડિયા પ્લેટફોર્મ X.com લોન્ચ કરી શકે છે. તમને જણાવી દઈએ કે આ પહેલા મસ્કે ટ્વિટરને 44 બિલિયન ડોલરમાં ખરીદવાનો પ્રસ્તાવ મૂક્યો હતો, ત્યારબાદ તે ડીલમાંથી ખસી ગયો હતો. મસ્કે 44 બિલિયન ડોલરની ટ્વીટર ડીલ કેન્સલ કરીને કહ્યું કે, જ્યાં સુધી ટ્વિટર તેને નકલી એકાઉન્ટ વિશે સચોટ માહિતી નહીં આપે ત્યાં સુધી તે સોદો પૂર્ણ નહીં કરે. આ પછી, ટ્વિટરે મસ્ક પર પ્લેટફોર્મ ખરીદવાની ડીલમાંથી પીછેહઠ કરવા માટે દાવો પણ કર્યો છે.

એવું અનુમાન લગાવવામાં આવી રહ્યું છે કે ટ્વિટર સાથેના સોદાના વિવાદને કારણે એલોન મસ્ક નવા સોશિયલ મીડિયા પ્લેટફોર્મ X.comને લોન્ચ કરવાની યોજના બનાવી રહ્યા છે. આ પ્લેટફોર્મના નામની જાહેરાત ખુદ મસ્ક દ્વારા કરવામાં આવી છે. 10 ઓગસ્ટના રોજ, એક ચાહકે મસ્કને પૂછ્યું કે જો ટ્વિટર ડીલ નહીં થાય, તો તે પોતાનું સોશિયલ પ્લેટફોર્મ બનાવવાનું વિચારી શકે છે. જવાબમાં મસ્કે કહ્યું, - X.com. જો કે તેણે આ અંગે વધુ માહિતી આપી ન હતી.

શું છે X.com ?

X.com એ નવું નામ નથી, પરંતુ તે સ્ટાર્ટઅપનું ડોમેન નામ હતું, જે લગભગ બે દાયકા પહેલા મસ્ક દ્વારા શરૂ કરવામાં આવ્યું હતું. બાદમાં X.com અને PayPal મર્જ કરવામાં આવ્યા હતા. પેપાલ 2002 માં eBay ને વેચવામાં આવ્યું હતું, ત્યારબાદ મસ્ક ફરીથી 2017 માં પેપાલ ડોમેન હસ્તગત કર્યું હતું. તમને જણાવી દઈએ કે ગયા અઠવાડિયે, મસ્કે ટેસ્લાની વાર્ષિક શેરહોલ્ડર મીટિંગ દરમિયાન X.com વિશે પણ વાત કરી હતી, જેમાં તેણે કહ્યું હતું કે X કોર્પોરેશનના દિવસો પાછા આવી શકે છે.