રિષભ પંત અને દિનેશ કાર્તિક બંનેને ઓગસ્ટના છેલ્લા સપ્તાહમાં શરૂ થઈ રહેલા એશિયા કપ માટે ટીમ ઈન્ડિયાની ટીમમાં સામેલ કરવામાં આવશે. વિકેટકીપર તરીકે સમાવેશ કરવામાં આવ્યો છે. પ્લેઈંગ ઈલેવનમાં આ બે ખેલાડીઓમાંથી માત્ર એક જ ખેલાડી રમશે તેવી અપેક્ષા રાખવામાં આવશે. આવી સ્થિતિમાં આ એક સ્થાન માટે આ બે મજબૂત બેટ્સમેનમાંથી કોઈપણ એકની પસંદગી ખૂબ જ રસપ્રદ રહેશે. આ મામલે જ્યારે ઋષભ પંતને સવાલ પૂછવામાં આવ્યો ત્યારે તેણે શું આપ્યો જવાબ.એક ન્યૂઝ ચેનલ સાથેની વાતચીત દરમિયાન જ્યારે ઋષભ પંતે કહ્યું, 'અમે તેના વિશે વિચારતા નથી. અમે વ્યક્તિગત રીતે અમારી 100% ટીમને આપવા માંગીએ છીએ. બાકીનો આધાર કોચ અને કેપ્ટન પર છે કે તેઓ અમારો ટીમમાં કેવી રીતે ઉપયોગ કરવા માંગે છે.
પંત અને કાર્તિકમાંથી માત્ર એક ખેલાડીને પ્લેઇંગ-11માં સ્થાન મળશે
IPL 2022 પછી, ઋષભ પંત અને દિનેશ કાર્તિક બંને ઘણા પ્રસંગોએ પ્લેઈંગ ઈલેવનમાં સાથે જોવા મળ્યા છે. દક્ષિણ આફ્રિકા અને વેસ્ટ ઈન્ડિઝ સામેની ટી-20 સિરીઝમાં આ બંને ખેલાડીઓ મેદાનમાં સાથે રમતા જોવા મળ્યા હતા. જ્યારે પણ આ બંને એકસાથે પ્લેઈંગ ઈલેવનનો ભાગ બન્યા છે ત્યારે રિષભ પંત વિકેટકીપરના રોલમાં અને દિનેશ કાર્તિક ફિનિશરના રોલમાં જોવા મળ્યા છે. જો કે આ બંને શ્રેણીમાં સિનિયર ખેલાડીઓ આરામ પર હતા, પરંતુ હવે જ્યારે વિરાટ કોહલી અને અન્ય ખેલાડીઓ એશિયા કપમાં વાપસી કરશે તો આ બંનેમાંથી કોઈ એક ટીમમાં જગ્યા બનાવી શકશે.
એશિયા કપમાં ભારત અત્યાર સુધી સાત વખત ટાઈટલ જીત્યું છે અને આ વખતે તે રેકોર્ડ આઠમી ટ્રોફી જીતવા માંગશે. કોહલીએ 2018ની આવૃત્તિ સિવાય તેના અગાઉના તમામ એશિયા કપમાં અસાધારણ રીતે સારૂ પ્રદર્શન કર્યું છે. કિંગ કોહલીએ પોતાની છેલ્લી મેચ ઈંગ્લેન્ડ પ્રવાસ પર રમી હતી. આ સિવાય તેણે છેલ્લા ત્રણ વર્ષથી એક પણ સદી ફટકારી નથી. પૂર્વ કેપ્ટન કોહલી લગભગ 1000 દિવસથી પોતાની 71મી સદીની રાહ જોઈ રહ્યો છે. જો કે આ વખતે આશા છે કે કોહલી પોતાની 100મી T20 ઈન્ટરનેશનલ મેચમાં સદી ફટકારી શકે છે. તેણે 2012માં પાકિસ્તાન સામે તેની કારકિર્દીની સર્વશ્રેષ્ઠ 183 રનની ઇનિંગ્સ રમી હતી.
એશિયા કપમાં વિરાટ કોહલીનું પ્રદર્શન
વિરાટે 2010માં પ્રથમ વખત એશિયા કપમાં ડેબ્યૂ કર્યું હતું. તે હવે 2010, 2012 અને 2016 બાદ ચોથી વખત એશિયા કપમાં રમવા જઈ રહ્યો છે. એશિયા કપમાં કોહલીએ અત્યાર સુધી 16 મેચમાં 63.83ની એવરેજથી 766 રન બનાવ્યા છે. આમાં તેના નામે ત્રણ સદી અને બે અડધી સદી છે. આ સિવાય એશિયા કપ (T20 ફોર્મેટ)માં કોહલીએ પાંચ મેચમાં 76.50ની એવરેજથી 153 રન બનાવ્યા છે.
