ડીસા ના બાઈવાડા ગામે થયેલ ચોરી નો ભેદ ઉકેલાયો

ડીસા સહિત સમગ્ર બનાસકાંઠા જિલ્લામાં છેલ્લા ઘણા સમયથી ચોરીઓની ઘટનામાં સતત વધારો થઈ રહ્યો છે જોવા જઈએ તો શહેરી વિસ્તારને છોડી હવે ચોર ટોળકી ગ્રામીણ વિસ્તારોમાં સક્રિય બની ગઈ છે અને એક બાદ એક ચોરીઓની અનેક ઘટનાઓ સામે આવી રહી છે વારંવાર ગ્રામીણ વિસ્તારોમાં ચોરીની ઘટનાઓ સામે આવતા ગ્રામીણ વિસ્તારના લોકોમાં પણ ભય જોવા મળી રહ્યો છે. ડીસા તાલુકાના બાઈવાડા ગામે તા. 3 જુલાઈ ની રાત્રી દરમિયાન કોઈ અજાણ્યા તસ્કરોએ ત્રણ દુકાનમાં મોબાઈલ તેમજ રોકડ મળી કુલ રૂપિયા 20 હજાર ના મુદ્દામાલ ની ચોરીની ફરીયાદ ડીસા તાલુકા પોલીસ મથકે નોધાઈ હતી. આથી ડીસા તાલુકા પીઆઈ એમ.જે.ચૌધરી ના માર્ગદર્શન મુજબ પોલીસ સ્ટાફ દ્વારા ડીસા રૂરલ પોલીસ સ્ટેશન વિસ્તારમાં આરોપીઓની તપાસમા હતા. જે દરમિયાન મનીષભાઇ વરસંગભાઇ ઠાકોર (ઝેરડીયા) રહે, બાઇવાડા, તા. ડીસા, અનારજી ખેમાજી ઠાકોર રહે, ધરપડા, તા. ડીસા અને જ્યંતીભાઇ ઉર્ફે જેણો છગનભાઇ પરમાર (વાલ્મીકી) રહે, બાઇવાડા, તા. ડીસા ને અટક કરી ચોરીમાં ગયેલ મોબાઇલ નંગ-૧ અને રોકડ રકમ રૂપિયા આઠ હજાર મળી કુલ નવ હજાર રૂપિયા નો મુદ્દામાલ જપ્ત કરી કાયદેસરની કાર્યવાહી હાથ ધરવામાં આવી છે.