થરાદ તાલુકા ની રામપુરા પગાર કેન્દ્ર શાળા માં સલામતી સપ્તાહની ઉજવણી કરાઇ

બનાસકાંઠા ના થરાદ તાલુકા ની રામપુરા પગાર કેન્દ્ર શાળા ખાતે શાળા સલામતી સપ્તાહની ઉજવણી પ્રસંગે થરાદ નગર પાલિકાની ફાયર ટીમ તથા સેલ્ફ ડિફેન્સની ટીમ હાજર રહી હતી. ફાયરની ટીમ દ્વારા બાળકોને ડેમોન્સ્ટ્રેશન દ્વારા આફતના સમયે શું કામગીરી કરવામાં આવે છે તેની માહિતી અપાઇ હતી. બાળકોએ મનમાં ઉદ્દભવતા પ્રશ્નો પૂછીને જાત માહિતી પણ મેળવી હતી.સેલ્ફ ડિફેન્સની ટીમ દ્વારા બાળકો પોતાની સુરક્ષા, કુટુંબની સુરક્ષા, સમાજની સુરક્ષા માટે શું યોગદાન આપી શકે તેની માહિતી અપાઇ હતી. શાળાના આચાર્યે ફાયરની તથા સેલ્ફ ડિફેન્સની ટીમના કાર્યોને બિરદાવી તેમના દ્વારા થતાં સમાજસેવાના કાર્યોમાંથી શીખ લેવા વિદ્યાર્થીઓને જણાવ્યું હતું. સમગ્ર કાર્યક્રમનું આયોજન શાળાના સ્ટાફ દ્વારા કરવામાં આવ્યું હતું.અને શાળા દ્વારા ફાયર ફાયટર ટીમ નો આભાર વ્યક્ત કરવામાં આવ્યો હતો…