ગુજરાત રાજ્યમાં દારૂબંધી હોવા છતાં દારૂની મોટી હેરાફેરીના કિસ્સા અનેકવાર સામે આવતા હોય છે. આવો જ એક કિસ્સો થરાદ માં બન્યો છે. જેમાં રૂપિયા 6લાખ થી પણ વધુ કિંમતની 7128 બોટલ, ભારતીય બનાવટનો વિદેશી દારૂના જથ્થા સાથે પોલીસે 13લાખ થી પણ વધુ રૂપિયાનો મુદ્દામાલ કબજે કર્યો છે.
મળતી માહિતી મુજબ બનાસકાંઠા જિલ્લા પોલીસ વડા ના માર્ગદર્શન મુજબ એલ.સી.બી પોલીસ થરાદ પોલીસ સ્ટેશન વિસ્તાર માં પેટ્રોલિંગ માં હતા તે દરમિયાન ચુડમેર ગામ ની સીમ માં નર્મદા કેનાલ રોડ ઉપર આવેલ પુલ ઉપર થી ટ્રેક્ટર ટ્રોલી માં તાપસ કરતા ભારતીય બનાવટ નો વિદેશી દારૂ આવતા 13 લાખ 65 હજાર 416રૂ નો મુદ્દામાલ કબજે કરી પ્રકાશસિંહ રતનલાલ જાટ રહે જાટો બાડમેર વાળા ને પકડી પાડી તેના વિરુદ્ધ માં થરાદ પોલીસ સ્ટેશન ખાતે કાયદેસર ની કાર્યવાહી કરવામાં આવી છે.ઉલ્લેખનીય છે વારંવાર થરાદ પોલીસ સ્ટેશન વિસ્તાર માં બનાસકાંઠા LCB પોલીસ ઝડપે છે જેને લઈને થરાદ ની સ્થાનિક પોલીસ ઉપર અનેક સવાલો ઉઠવા પામ્યા છે
