ડીસા માં ભારે વરસાદના પગલે એપીએમસી માર્કેટ યાર્ડમાં વરસાદી પાણી ભરાયા

હવામાન વિભાગની આગાહીના પગલે આજે ડીસા શહેરમાં વહેલી સવારથી જ વરસાદી માહોલ જામ્યો હતો ખાસ કરીને ડીસામાં ભારે બફારા અને ઉકળાટ બાદ આજે વહેલી સવારથી જ વરસાદ એ ધોધમાર વરસવાનું શરૂ કર્યું હતું અને માત્ર બે કલાકમાં જ બે ઇંચ જેટલો વરસાદ ખાબક્તા સર્વત્ર પાણી પાણી થઈ ગયું હતું ત્યારે ડીસા શહેરના ગુજરાતમાં ઊંઝા બાદ સૌથી મોટું માર્કેટ યાર્ડ એપીએમસી માર્કેટ યાર્ડ છે ત્યારે બે કલાકમાં પડેલા ભારે વરસાદના પગલે માર્કેટ યાર્ડમાં ચારે બાજુ વરસાદી પાણી ભરાઈ જવા પામ્યો હતો. જેના કારણે માર્કેટ યાર્ડમાં આવેલા ખેડૂતો પોતાના માલને લઈ ચિંતામાં મુકાયા હતા તો આ તરફ ભારે વરસાદના પગલે માર્કેટ યાર્ડમાં આવેલી દુકાનોમાં વરસાદી પાણી ભરાઈ જવાના કારણે વેપારીઓને પણ દુકાનોમાં પડેલા માલના કારણે નુકસાન થવાની ભીતિ સિવાય રહી છે સવારથી જ શરૂ થયેલા ભારે વરસાદના કારણે માર્કેટ યાર્ડમાં આવેલી તમામ દુકાનોની હરાજી પણ આજે બંધ રાખવામાં આવી હતી જેના કારણે ખેડૂતોએ પોતાનો માલ વેચ્યા વગર જ પરત ભરવું પડ્યું હતું જેના કારણે ખેડૂતો નુકસાન થવાનું જણાવી રહ્યા હતા એક તરફ ભારે વરસાદના કારણે ખેતરોમાં પાણી ભરાઈ ગયા છે જેના કારણે ખેડૂતો માંડ માંડ માર્કેટ યાર્ડ સુધી પોતાનો માલ વહેંચવા માટે આવ્યા હતા પરંતુ માર્કેટ યાર્ડમાં પણ વરસાદી પાણી ભરાતા ખેડૂતોને નુકસાન વેચવાનો વારો આવ્યો હતો