સરહદી વિસ્તારમાં સરકારી બાબુઓ ખુલ્લેઆમ ભ્રષ્ટાચાર આચરી હલકી ગુણવત્તાના કામો કરી સરકારની તિજોરીઓ તળિયા ઝાટક કરી દીધા છે ત્યારે સુઇગામ સીધાડા તરફ જતો હાઇવે કસ્ટમ પાકો ડામર રોડની કામગીરી કોન્ટ્રાક્ટર દ્વારા કરવામાં આવી છે જેમાં વહીવટી અધિકારીઓની સાંઠગાંઠ હોવાથી લાખો કરોડો રૂપિયાનો ભ્રષ્ટાચાર આચરી દેવામાં આવતાં હાઇવે કસ્ટમ રોડની નિશાની જોવા મળતી નથી હાલમાં ચોમાસાની ઋતુ હોવાના કારણે હાઇવે રોડ પડેલા લાંબા ઊંડા ખાડાઓમાં પાણી ભરાઈ જતાં હાઇવે રોડ ખેત તલાવડી સમાન જોવા મળી રહ્યો છે જેમાં કચ્છ મુંદ્રા પોર્ટ કંડલા તરફ જતાં ભારે વાહનોને હંકારવામાં ચાલકો તકલીફ ભોગવી રહ્યા છે
આમ તો જોવા જઈએ તો લોકસભા કે વિધાનસભાની ચૂંટણી આવે ત્યારે મતદારોને રીઝવવા નેતાઓ સભાઓ ગોઠવતા હોય છે સંબોધન કરતા હોય છે ત્યારે મોદી સરકારના વખાણ કરી તમામ યોજનાની જાહેરાતો કરવાના ભાષણો આપીને મતદારોને ભોળવી મતો મેળવવા મોટામોટા ભાષણો આપે છે પરંતુ આજદિન સુધી કોઈ નેતાએ એવું ભાષણ નથી આપ્યું કે લાખો કરોડો રૂપિયાના ખર્ચે બનાવેલ હાઇવે કસ્ટમ રોડ તૂટી જવા પામ્યો છે જેમાં અધિકારીઓની પોલ ખોલતાં ક્યાંક નેતાઓને શરમાવવું પડે તેવી સ્થિતિ સર્જાઈ છે મસમોટા ખાડા અને તૂટેલા હાઇવે રોડના કારણે ભારે તેમજ નાના વાહનો માંડ માંડ પસાર થાય છે તેમજ ઓવટરેક કરવામાં સામે ખાડા હોવાથી વાહનોને નુકશાન તેમજ અકસ્માત થવાની ભીતિ સર્જાઈ રહી છે જેથી સત્વરે ઉચ્ચ કક્ષાએથી આ રસ્તાની તપાસ કરી જવાબદાર અધિકારી કોન્ટ્રાકટર સામે કાર્યવાહી કરવામાં આવે તેવી સરહદી પંથકની માંગ ઉઠી છે
