ડીસા તાલુકાના કંસારી ગામ પાસેથી બનાસકાંઠા જિલ્લા ભૂસ્તર વિભાગની ટીમે ગેરકાયદેસર રેતી ભરીને વહન કરતા ચાર ટ્રકોને ઝડપી પાડયા હતા. ડીસામાં પસાર થતી બનાસ નદી ની રેતી અનેક રાજ્યોમાં બાંધકામ માટે સારી ઉપયોગી થતી હોય છે જેના કારણે રોજેરોજ મોટા પ્રમાણમાં ડીસામાંથી પસાર થતી બનાસ નદીમાં થી માટે નું ગેરકાયદેસર વેચાણ કરવામાં આવે છે ખાસ કરીને રેતી નું વેચાણ કરતા લોકો પૈસા કમાવાની લ્હાયમાં રોજે રોજ રાત્રીના સમયે મોટા પ્રમાણમાં બનાસ નદી માંથી રોયલ્ટી વગર અથવા તો વજન કરતાં વધુ રેતી ભરીને અવર-જવર કરતાં હોય છે ત્યારે બનાસકાંઠા જિલ્લામાં ડીસા સહિત અનેક તાલુકાઓમાં છેલ્લા ઘણા સમયથી ભૂસ્તર વિભાગ દ્વારા ગેરકાયદેસર રેતીનું વહન કરતાં લોકો સામે કાયદેસરની કાર્યવાહી કરવામાં આવી રહી છે ત્યારે આજે ડીસા તાલુકાના કંસારી ગામ પાસેથી પસાર થતા ગેરકાયદેસર રેતી ભરેલા ચાર ડમ્પરોને ઉભા રાખવી બનાસકાંઠા જિલ્લા ભૂસ્તર વિભાગ દ્વારા તપાસ હાથ ધરવામાં આવી હતી.જેમાં ટ્રકમાં ગેરકાયદેસર રેતી ભરેલી હોવાના કારણે ભૂસ્તર વિભાગ દ્વારા 4 ટ્રકો ને એક કરોડના મુદામાલ સાથે ઝડપી પાડી 10 લાખ રૂપિયાનો દંડ વસુલાત કરવામાં આવી હતી. બનાસકાંઠા જિલ્લા ભૂસ્તર વિભાગને કડક કાર્યવાહીથી અન્ય રેતીનું ગેરકાયદેસર વેચાણ કરતા તત્વોમાં ફફડાટ ફેલાયો હતો
ડીસા : મહાવીર શાહ
