બાગાયત ખાતાની યોજનાઓનો લાભ લેવા આઇ- ખેડુત પોર્ટલ પર ઓનલાઇન અરજી કરનાર ખેડુતો સાધનિક કાગળો દિન-૭ માં જમા કરાવે

બનાસકાંઠા જિલ્લાના તમામ બાગાયતદાર ખેડુતોને જણાવવાનું કે, ચાલુ વર્ષ-૨૦૨૨-૨૩ માટે બાગાયત ખાતા દ્વારા ચાલતી યોજનાઓના વિવિધ ઘટકોમાં સહાય મેળવવા માટે તા.૦૧/૦૩/૨૦૨૨ થી તા.૩૦/૦૪/૨૦૨૨ સુધી આઇ- ખેડુત પોર્ટલ પર ઓનલાઇન અરજી કરવા માટે પોર્ટલ ખુલ્લુ મુકવામાં આવેલ હતુ. જેમાં જેઓએ ઓનલાઇન અરજી કરેલ હોય પરંતુ ઓનલાઇન અરજી સાથે જરૂરી આધનિક કાગળો નાયબ બાગાયત નિયામકશ્રીની કચેરીએ રજુ કરેલ ન હોય તેવા તમામ બાગાયતદાર ખેડુતો સહાય યોજનાઓથી વંચિત રહી ના જાય તે હેતુથી ઓનલાઇન અરજી પત્રક સહી કરીને સાથે ૭-૧૨, ૮-અ, બેંક પાસબુકની નકલ અથવા રદ કરેલ ચેક, અનુસૂચિત જાતિ અને અનુસૂચિત જન જાતિના ખેડુત હોય તો જાતિનો પ્રમાણ પત્ર જેવા સાધનિક કાગળો દિન-૭ માં નાયબ બાગાયત નિયામકશ્રીની કચેરી, રૂમ નં.૧૪-૧૫ ભોંયતળીએ, જિલ્લા સેવા સદન-૨, જોરાવર પેલેસ, પાલનપુર, જિ. બનાસકાંઠા ફોન નં. ૦૨૭૪૨- ૨૫૬૭૨૬, Email – ddhhortibk@gmail.com કચેરી ખાતે અચૂક જમા કરાવવા જણાવવામાં આવે છે. જેની સર્વે ખેડુતોએ નોંધ લેવા નાયબ બાગાયત નિયામકશ્રી પાલનપુર, બનાસકાંઠાની અખબારી યાદીમાં જણાવ્યું છે.