Live Sat, Nov 21, 2026
Rajkot • 31°C Sunny

બનાસકાંઠા કોંગ્રેસમાં સંગઠનને લઈ ધમધમાટ, જિલ્લા પ્રમુખની પસંદગી માટે સેન્સ પ્રક્રિયા

બનાસકાંઠા કોંગ્રેસમાં સંગઠનને લઈ ધમધમાટ, જિલ્લા પ્રમુખની પસંદગી માટે સેન્સ પ્રક્રિયા

પાલનપુર પહોંચ્યા AICC ઓબ્ઝર્વર અનિલ ધનતોરી; 2027માં ગુજરાત અને 2029માં કેન્દ્રમાં કોંગ્રેસ સરકાર બનશે-દાવો

પાલનપુર: ગુજરાતમાં આગામી વિધાનસભા ચૂંટણીને ધ્યાનમાં રાખીને કોંગ્રેસે સંગઠનાત્મક કવાયત તેજ કરી છે. બનાસકાંઠા જિલ્લા કોંગ્રેસ પ્રમુખની પસંદગી માટે પાલનપુર ખાતે સેન્સ પ્રક્રિયા હાથ ધરવામાં આવી હતી. આ પ્રક્રિયામાં AICC ઓબ્ઝર્વર અનિલ ધનતોરી સહિત પ્રદેશ કોંગ્રેસના આગેવાનો ઉપસ્થિત રહ્યા હતા.

બનાસકાંઠા કોંગ્રેસમાં જિલ્લા સંગઠનની રચનાને લઈને અગાઉ પણ વિવાદ સર્જાયો હતો. જિલ્લા કોંગ્રેસ પ્રમુખ ગુલાબસિંહ રાજપૂતે પ્રદેશ કોંગ્રેસની મંજૂરી વિના નવી કમિટીની જાહેરાત કરી હોવાના અહેવાલ બાદ પ્રદેશ કોંગ્રેસે આ માળખું રદ કર્યું હતું. આ સમગ્ર ઘટનાને પગલે પ્રદેશ અને જિલ્લા સંગઠન વચ્ચેના મતભેદો ચર્ચામાં આવ્યા હતા.

જિલ્લા પ્રમુખની પસંદગી માટે સેન્સ પ્રક્રિયા

હવે જિલ્લા કોંગ્રેસ પ્રમુખની પસંદગી માટે ફરી સેન્સ પ્રક્રિયા હાથ ધરાતા બનાસકાંઠા કોંગ્રેસમાં સંગઠનને લઈને રાજકીય હલચલ તેજ થઈ છે. આગામી વિધાનસભા ચૂંટણી પહેલાં જિલ્લા સંગઠનને મજબૂત બનાવવા માટે આ પ્રક્રિયાને મહત્વપૂર્ણ માનવામાં આવી રહી છે.પાલનપુર ખાતે મીડિયા સાથેની વાતચીત દરમિયાન AICC ઓબ્ઝર્વર અનિલ ધનતોરિયે ભાજપના પ્રદેશ પ્રભારી તરૂણ ચુઘના તાજેતરના નિવેદનો સામે વળતો પ્રહાર કર્યો હતો.

બેરોજગારી, ખેડૂતો અને વિકાસના મુદ્દે ભાજપ પર પ્રહાર

અનિલ ધનતોરિયે બેરોજગારી, ખેડૂતોની સમસ્યાઓ, રસ્તા, પાણી, વીજળી અને આર્થિક સ્થિતિ સહિતના મુદ્દાઓને લઈને ભાજપ સરકાર પર સવાલો ઉઠાવ્યા હતા.

ગુજરાતના વિકાસ મોડલ અંગે પણ તેમણે પ્રશ્નો ઉઠાવ્યા હતા. રાજ્યમાં બેરોજગારી સહિતના વિવિધ મુદ્દાઓ પર સરકારને જવાબ આપવો જોઈએ તેમ તેમણે જણાવ્યું હતું.કોંગ્રેસ અને રાહુલ ગાંધી દેશ માટે મોટી લડાઈ લડી રહ્યા હોવાનો દાવો કરતાં અનિલ ધનતોરિયે આગામી ચૂંટણીને લઈને કોંગ્રેસના વલણ અંગે પણ વાત કરી હતી.

‘2027માં ગુજરાતમાં કોંગ્રેસની સરકાર બનશે’

અનિલ ધનતોરિયે મોટો રાજકીય દાવો કરતાં કહ્યું હતું કે 2027માં ગુજરાતમાં કોંગ્રેસની સરકાર બનશે અને 2029માં કેન્દ્રમાં કોંગ્રેસની સરકાર બનશે.તરૂણ ચુઘના નિવેદનનો જવાબ આપતા તેમણે ચુઘને પોતાના અંદર ઝાંકીને જોવાની જરૂર હોવાનું જણાવ્યું હતું. સાથે જ ભાજપના દિવસો ગણાઈ ગયા હોવાનો પણ તેમણે દાવો કર્યો હતો.

ઉલ્લેખનીય છે કે તરૂણ ચુઘે 6 ઓક્ટોબરે પાલનપુરમાં કોંગ્રેસ અને રાહુલ ગાંધી સામે આકરા રાજકીય પ્રહારો કર્યા હતા.

હવે જિલ્લા પ્રમુખની પસંદગી પર નજર

બનાસકાંઠા જિલ્લા કોંગ્રેસ પ્રમુખની પસંદગી માટેની સેન્સ પ્રક્રિયા પૂર્ણ થયા બાદ હવે પ્રદેશ કોંગ્રેસ દ્વારા કોને જિલ્લા સંગઠનની જવાબદારી સોંપવામાં આવે છે તેના પર સ્થાનિક કોંગ્રેસના આગેવાનો અને કાર્યકરોની નજર છે.

આગામી વિધાનસભા ચૂંટણી પહેલાં બનાસકાંઠા કોંગ્રેસનું સંગઠન કયા નેતૃત્વ હેઠળ આગળ વધે છે તે આગામી દિવસોમાં સ્પષ્ટ થશે.

Source: SPECIAL REPORT
Share Story: Facebook 𝕏 Post Telegram
D

DESK NEWS

Editorial Contributor • Yeh Hai News India Vav Banaskantha Bureau

Related News Stories

બનાસકાંઠા • Nov 20, 2026

દાંતીવાડાના માળીવાસમાં વિકાસકાર્યોનું લોકાર્પણ! ગ્રામ પંચાયત ભવન, આરોગ્ય મંદિર અને રોડનું ઉદ્ઘાટન

મંત્રી પ્રવીણભાઈ માળીની ઉપસ્થિતિમાં ત્રણ વિકાસકાર્યોનું લોકાર્પણ; દાંતીવાડા ડેમ વિસ્તારમાં પ્રવાસન વિકસાવી રોજગારી વધારવા...
ચડોતરમાં આંજણા ચૌધરી સમાજનું રાષ્ટ્રીય સ્નેહમિલન: 20 હજારથી વધુ સમાજબંધુઓ ઉમટ્યા Breaking
બનાસકાંઠા • 📍 ઉત્તર ગુજરાત બ્યુરો ચીફ ( Editor ) • Nov 16, 2026

ચડોતરમાં આંજણા ચૌધરી સમાજનું રાષ્ટ્રીય સ્નેહમિલન: 20 હજારથી વધુ સમાજબંધુઓ ઉમટ્યા

15 હજાર યુવાનોએ મોબાઈલની ટોર્ચ ચાલુ કરી વ્યસનમુક્તિનો સંકલ્પ લીધો; 18 રાજ્યોના બે હજાર...
નવા વર્ષના પ્રથમ દિવસે અંબાજી મંદિરે ભક્તોની ભીડ, ચેન્નઈના પરિવારે માતાજીને 26.91 લાખનો સોનાનો હાર અર્પણ કર્યો Breaking
ગુજરાત • 📍 બનાસકાંઠા • Nov 10, 2026

નવા વર્ષના પ્રથમ દિવસે અંબાજી મંદિરે ભક્તોની ભીડ, ચેન્નઈના પરિવારે માતાજીને 26.91 લાખનો સોનાનો હાર અર્પણ કર્યો

200 ગ્રામ વજનનો નવલખો હાર માતાજીના ચરણે ધરાવાયો; વહેલી સવારથી દર્શન માટે શ્રદ્ધાળુઓ ઉમટ્યા,...
નવાવર્ષના સ્નેહ મિલન:ખાટલા બેઠકમાં શંકરભાઈ ચૌધરીની જાહેરાત: વાવ-થરાદમાં 1,000 ઉદ્યોગપતિ તૈયાર કરાશે Breaking
ગુજરાત • 📍 વાવ થરાદ • Nov 10, 2026

નવાવર્ષના સ્નેહ મિલન:ખાટલા બેઠકમાં શંકરભાઈ ચૌધરીની જાહેરાત: વાવ-થરાદમાં 1,000 ઉદ્યોગપતિ તૈયાર કરાશે

યુવાનોને તાલીમ અને લોનની વ્યવસ્થા કરાશે; ખેડૂતોને ટપક સિંચાઈ માટે 80થી 90 ટકા સબસિડી...

Leave a Comment / તમારો અભિપ્રાય આપો

Your email address will not be published. Required fields are marked *

Yeh Hai News India

India's Leading Digital News and Editorial Platform

મુખ્ય સંપર્ક અને કાર્યાલય (Office & Contact)

📍 મહારાણા પ્રતાપ માર્ગ, વાવ, જિલ્લો બનાસકાંઠા, ગુજરાત - 385575
🏛️ RNI / Registration: