વાવ-થરાદ જીલ્લામાં પ્રોડીબીશન તથા જુગાર જેવી ગેરકાયદેસર પ્રવૃતિઓને સંપૂર્ણ નાબૂદ કરવા માટે પોલીસ મહાનિરીક્ષક સરહદી રેન્જ કચ્છ-ભુજ ચિરાગ કોરડીયા તથા જીલ્લા પોલીસ અધિક્ષક ચિંતન તેરૈયા દ્વારા કડક કાર્યવાહી કરવા નિર્દેશ આપવામાં આવ્યા છે. આ અનુસંધાને એસ.ઓ.જી (સ્પેશિયલ ઑપરેશન ગ્રુપ) વાવ-થરાદ દ્વારા એક વધુ મહત્વપૂર્ણ કામગીરી હાથ ધરવામાં આવી છે.
મળેલી ચોક્કસ બાતમીના આધારે એસ.ઓ.જી શાખાના પો.ઈન્સ્પેક્ટર એ.જી. રબારી તથા તેમની ટીમ પ્રોડી સંબંધી પેટ્રોલિંગમાં હતી. એ દરમ્યાન મીઠા ગામ (તા. ભાભર) વિસ્તારમાં ગેરકાયદેસર વિદેશી દારૂનો જથ્થો રાખવામાં આવ્યો હોવાની માહિતી મળતાં ટીમે તરત જ કાર્યવાહી હાથ ધરી હતી.
એસ.ઓ.જી ટીમે મીઠા ગામના રહેવાસી શ્રવણભાઈ ઉર્ફે સનો વરજંગજી ઠાકોરના રહેણાંક સ્થાને રેડ કરતા ભારતીય બનાવટનો વિદેશી દારૂ તથા બિયર ટીન મળી કુલ 806 બોટલ જપ્ત કરી હતી. જપ્ત કરાયેલા મુદ્દામાલની કિ.રૂ. 2,75,497/- થાય છે. સમગ્ર મુદ્દામાલ કબજે કરી આરોપી વિરુદ્ધ પ્રોહીબીશન ઍક્ટ હેઠળ કાયદેસરની કાર્યવાહી ભાભર પોલીસ સ્ટેશન ખાતે નોંધવામાં આવી છે.
આ કામગીરીમાં એસ.ઓ.જીના પો.ઈન્સ. એ.જી. રબારી સહિત સ્ટાફના કર્મચારીઓનો મહત્વપૂર્ણ ફાળો રહ્યો હતો. જિલ્લા પોલીસ દ્વારા આવનારા દિવસોમાં પણ આવી ગેરકાયદેસર પ્રવૃત્તિઓ વિરુદ્ધ સતત અને કડક પગલાં લેવામાં આવશે એવી માહિતી આપવામાં આવી છે
