ઢીમાની દૂધ ડેરીનાં CCTVમાં દીપડા દેખાયાની અફવાથી લોકોમાં દોડધામ મચી

સરહદી બનાસકાંઠા ના વાવ તાલુકાનાં સુપ્રસિદ્ધ યાત્રા ધામ ઢીમા ગામની કોળાવા ત્રણ રસ્તા પર આવેલ ધી ઢેમેચાવાસ દૂધ ઉત્પાદક ડેરી નજીક સીસીટીવી કેમેરામાં સોમવારે સવારે સાત વાગે દીપડો હોવાની અફવાને પગલે સ્થાનિક ખેડૂતો સહિત ગ્રામજનોમાં પણ ભયનો માહોલ સર્જાયો હતો.તો વળી મોટી સંખ્યામાં ખેડૂતો ભેગા થઈને જંગલી જાનવરની શોધખોળ શરૂ કરી હતી. પરંતુ વનવિભાગનો સંપર્ક કરતાં અને પંજાના નિશાનના આધારે નાર હોવાનું જાણવા મળ્યું હતું.વધુ માં આ અંગે વનવિભાગનાં વી.જી.સોલંકી ફોરેસ્ટરે ટેલીફોનીક વાતચીત માં જણાવ્યું હતું કે દીપડો નહિ વરુ છે.રાજસ્થાન બાજુથી રબારી ઘેટાં બકરા લઈને આવે છે કાંતો એમની સાથે આવેલ હશે નહિતર નજીકમાં શિકાર ન કરે તો શિકાર માટે પણ આવેલ હોઈ શકે છે.હાલમાં વાવ અને સુઈગામ વિસ્તારમાં ૨૦ થી ૨૫ જેટલાં વરુ મુક્ત રીતે વિહરી રહ્યાં છે.અને આજ સુધી ક્યારેય પણ માનવો સાથે ઘર્ષણ અને લોકો ના શિકારની ઘટનાઓ ક્યારેય બની નથી.જેથી લોકજીવનમાં આ પ્રાણી માનવ જાતિનું પણ સન્માન કરે છે.