કુંભારડીથી માવસરી મેઈનલાઈનમાંથી પાણી ચોરનાર ચાર ઈસમો વિરુદ્ધ માવસરી પોલીસ મથકે ગુનો દાખલ

સરહદી વાવ તાલુકાનાં અંતરિયાળ અને રણકાંઠાને અડીને આવેલા માવસરી,મીઠાવીચારણ,મીઠાવીરાણા,તખતપુરા,દૈયપ,ધાણી,તેજપુરા,અરજણપુરા,સણવાલ જેવાં અનેક ગામડાઓમાં પીવાનાં પાણીની વિકટ સમસ્યાઓ સર્જાઈ છે.ત્યારે ખેતરોમાં રહેતાં ખેડૂતો દ્વારા બિનકાયદેસર કનેક્શન લઈને પાણીનો બેફામ ઉપયોગ કરી રહ્યાં છે. ત્યારે છેવાડાનાં ગામડાઓમાં સુધી પીવાનું પાણી મળતું નથી.જિલ્લા કલેક્ટર દ્વારા પાણી સમિતિની બેઠકમાં પીવાનાં પાણીની ચોરી કરતાં માનવ ,ગૌમાતા પશુઓનાં દુશ્મનો જે કાળઝાળ ગરમીમાં પોતાનાં અંગત સ્વાર્થ ખાતર કેટલાય લોકોને અને પશુઓને પીવાનાં પાણીથી વંચિત રાખે છે.ત્યારે આવાં લોકો સામે પોલીસ સાથે કડક કાર્યવાહી હાથ ધરવામાં આવી છે.અને સ્થાનિક પોલીસ સાથે રાખીને કાર્યવાહી કરવામાં આવશે તેવું પાણી પુરવઠા વિભાગ દ્વારા જણાવ્યું હતું.મળતી માહિતી મુજબ,કુંભારડીથી માવસરી મેઇનલાઈનમાંથી પીવાનાં પાણીની પાઈપલાઇનમાં તોડફોડ કરી ગેરકાયદે સર જોડાણ કરી ખેતી તથા કોમર્શિયલ ઉપયોગ માટે પાણીનો ગેરકાયદેસર ઉપયોગ કરતાં હોવાની હકીકતને આધારે ઈશ્વરભાઈ બબાભાઈ પટેલ રહે સપ્રેડા,કોન્ટ્રાક્ટર અને પાણી પુરવઠા વિભાગ રેવન્યુ ડિપારમેન્ટ ,પોલીસ પ્રસાસન દ્વારા સ્થળ તપાસણી કરી જે ઈસમોએ પીવાનાં પાણીની પાઈપલાઈનમાં તોડફોડ કરી પોતાનાં અંગત સ્વાર્થ હેતુ ચેડાં કર્યાં છે.અને એજન્સીનાં માણસો દ્વારા અને વારંવાર લેખિત તથા મૌખિક જાણ કરવા છતાં પાણી વચ્ચેથી લઈ લેતાં (૧) સુથાર કમલેશભાઈ જશાભાઈ રહે રતનગઢ,તા,વાવ, ઈંટની ફેકટરીમા પાણીનો ઉપયોગ ૧.૧ની મોટર દ્વારા ખેંચવામાં આવતું હતું (૨)પટેલ અરજણભાઈ જીવાભાઈ રહે.સણવાલ તા.વાવ રોડની સાઈડમાં ફેકટરીમાં પાણીનો ૧.૧ની મોટરથી ખેંચવામાં આવતું હતું.(૩) વેણ તગાભાઈ ધનાભાઈ રહે રતનગઢ,તા.વાઈંટની ફેકટરીમાં ૧.૧ની મોટર દ્વારા પાણી ખેંચવામાં આવતું હતું.(૪) રબારી પીરાભાઈ મશરૂભાઈ રહે.મીઠાવીરાણા તા.વાવ દ્વારા ૧.૧ની મોટર દ્વારા પાકમાં પિયત કરેલ હોવાથી માવસરી પોલીસ મથકે ગુનો નોંધી વધુ તપાસ હાથ ધરી છે.