ડીસા તાલુકાના વીરુણા ગામે ટ્રકની ટક્કરે ગાય ઇજાગ્રસ્ત થતા સ્થાનિકો દ્વારા સારવાર કરાઈ

ડીસા સહિત સમગ્ર બનાસકાંઠા જિલ્લામાં માર્ગ અકસ્માત ના બનાવવામાં સતત વધારો થઈ રહ્યો છે ખાસ કરીને રાત્રિના સમયે અને દિવસના સમય દરમિયાન પશુઓ વચ્ચે આવવાના કારણે અનેક નાના-મોટા અકસ્માતો સર્જાઈ રહ્યા છે વારંવાર સર્જાતા અકસ્માતોમાં અત્યાર સુધી અનેક લોકો મોતને ભેટ્યા છે તો અનેક લોકો ઈજાગ્રસ્ત થયા છે. ત્યારે આવો જ એક વધુ અકસ્માત ડીસા તાલુકાના વીરુણા ગામ પાસે સર્જાયો હતો જેમાં ડીસા તાલુકાના ગામ પાસે આવેલ પરમેશ્વર હોટલ પાસે પૂરપાટ ઝડપે આવી રહેલ ટ્રક ચાલકે રોડ પર પસાર થઈ રહેલી ગાયને અડફેટે લીધી હતી ટ્રકની ટક્કર લાગતા ગાય રોડ પર ભટકાઈ હતી જેથી મોઢાના અને શરીરના ભાગે ગાયને ઇજાઓ થઈ હતી આ અકસ્માતના પગલે ઘટના સ્થળે લોકોના ટોળેટોળા ઉમટી પડ્યા હતા. જે બાદ અકસ્માતમાં ઇજાગ્રસ્ત ગાયને તાત્કાલિક સારવાર અર્થે ગામના યુવા ભાજપ અગ્રણી ભરતભાઈ દેસાઈ અને દૂધ મંડળીના ચેરમેન બાબુભાઈ દેસાઈ દ્વારા તાત્કાલિક બાજુમાં આવેલ ગૌશાળા ખાતે ખસેડવામાં આવી હતી