પાલનપુર હેડ પોસ્ટ ઓફિસના ઉચાપતના કેસમાં પોસ્ટલ આસિસ્ટન્ટ પોસ્ટ વિભાગની સેવામાંથી બરતરફ કરાયા

કુમારી લીલા જી. રાણા, પોસ્ટલ આસિસ્ટન્ટ, પાલનપુર હેડ પોસ્ટ  ઓફિસ,વર્ષ-૨૦૧૮-૨૦૧૯ દરમિયાન પોસ્ટલ જીવન વીમા અને ગ્રામીણ ટપાલ જીવન વીમાના કામમાં ફરજ દરમિયાન તેઓએ ગ્રાહકોના નાણાં સીસ્ટમમાં જમા કર્યા અને ત્યારબાદ તે રસીદને કેન્સલ કરી લાખો રૂપિયા સરકાર ખાતે જમા ન કરતાં પોતાના અંગત ખર્ચ / ઉપયોગમાં લીધેલ આમ સરકારી નાણાંની ઉચાપત કરેલ.જેથી તેમની વિરુધ્ધ ખાતાકીય તપાસ થતાં તેઓ તપાસમાં કસૂરવાર/ ગુનેગાર સાબિત થતાં તેઓને તા.૦૨-૦૫-૨૦૨૨ થી અધિક્ષક ડાકઘર, બનાસકાંઠા ડીવીઝન, પાલનપુર દ્વારા તેમને ફરજ પરથી કાયમી ધોરણે બરખાસ્ત / બરતરફ ( Dismiss from service ) કરેલ છે તેમ અધિક્ષકશ્રી ડાકઘર, બનાસકાંઠા ડીવીઝન, પાલનપુરની અખબારી યાદીમાં જણાવ્યું છે.