યે હૈ ન્યૂઝ ઈન્ડિયા : બનાસકાંઠા
બનાસકાંઠાના સરહદી વિસ્તાર થરાદમાં સ્પા સેન્ટરમાં ચાલતા ગોરખધંધાનો પોલીસે પર્દાફાશ કર્યો છે. આંતરરાજ્યથી છોકરીઓ બોલાવી દેહ વિક્રયનો ધંધો કરાવતા શખ્સની અટકાયત કરી સ્પા સંચાલક સહિત બે લોકો સામે ગુનો નોંધી રુપિયા 7500નો મુદ્દામાલ જપ્ત કરી પોલીસે વધુ તપાસ હાથ ધરી છે.બનાસકાંઠા જિલ્લામાં પણ છેલ્લા ઘણા સમયથીની અનૈતિક દેહવેપારપ્રવૃત્તિ ખૂબ જ ફૂલીફાલી છે. આજે સરહદી વિસ્તાર થરાદમાંથી પોલીસે કુટણખાનું ઝડપી પાડયું છે. થરાદ ખાતે બોમ્બે માર્કેટમાં બીજા માળે એ વન નામનું સ્પા સેન્ટર આવેલું છે, જ્યાં છેલ્લા ઘણા સમયથી દેહ વિક્રયની પ્રવૃત્તિ ચાલતી હોવાની માહિતી મળતા જ પોલીસે આજે વોચ ગોઠવી હતી અને એક ડમી ગ્રાહક મોકલી રેડ કરી હતી.સ્પા સેન્ટરનો મેનેજર મયુર અલગ-અલગ રાજ્યોમાંથી છોકરીઓને બોલાવી તેમની પાસે દેહ વેપાર કરાવતો હતો. જે રંગે હાથ ઝડપાઇ જતા પોલીસે તેની અટકાયત કરી હતી, તેમજ મેનેજર પાસેથી મોબાઈલ અને કુલ રુપિયા 7500 જપ્ત કરી સ્પા સેન્ટરના મેનેજર અને સંચાલક રમેશ સામે ગુનો નોંધી વધુ તપાસ હાથ ધરી છે.
