જય ભીમ યુવક મંડળ સુઇગામ દ્વારા નરેન્દ્રભાઈ સોલંકી નું સન્માન કરવામાં આવ્યું…

જય ભીમ યુવક મંડળ સુઇગામ દ્વારા બનાસકાંઠા જિલ્લા સહકારી ખરીદ વેચાણ સંઘ ના નવ નિયુક્ત ડિરેકટર શ્રી નરેન્દ્રભાઇ સોલંકી નું સન્માન કરવામાં આવ્યું હતું.નરેન્દ્રભાઈ સોલંકી લીંબુણી બિનહરીફ ડિરેકટર તરીકે નિયુક્ત થયા હતા તેઓ સામાજિક કાર્યકર તરીકે સમાજના કામોમાં કાર્યરત છે.આજે જય ભીમ યુવક મંડળ દ્વારા તેઓનું શાલ અને ડૉ.બાબા સાહેબ આંબેડકર ની તસ્વીર આપીને યુવા મિત્રો દ્વારા સન્માન કરવામાં આવ્યું હતું અને શુભેચ્છાઓ આપવામાં આવી હતી.આ પ્રસંગે જય ભીમ યુવક મંડળ ના તાલુકા પ્રમુખ વિનોદભાઇ સોલંકી લીંબુણી, ઉપપ્રમુખ દિનેશભાઇ પરમાર સુઇગામ,વિસ્તરણ અધિકારી ભાનુભાઈ પંડ્યા,સામાજિક કાર્યકર બાબુભાઇ પરમાર ચાળા અને યુવક મંડળ ના મિત્રો હાજર રહ્યા હતા. આ પ્રસંગે જય ભીમ યુવક મંડળ ના મિત્રો દ્વારા સુઇગામ પ્રાંત અધિકારી સાહેબ,તાલુકા પંચાયતના પ્રમુખ  ,મામતદાર શ્રી સુઇગામ અને તાલુકા વિકાસ અધિકારી સાહેબ સાથે શુભેચ્છા મુલાકાત લેવામાં આવી હતી જેમાં અલગ અલગ મુદ્દાઓ ઉપર ચર્ચાઓ કરવામાં આવી હતી.