ડીસા ના ભીલડી નજીક ગાય વચ્ચે આવતાં રીક્ષા પલ્ટી ખાતાં દંપતિને ગંભીર ઇજાઓ

ડીસા-ભીલડી હાઇવે પર આવેલ ખેંટવા ગામ નજીક આજે રોજ અચાનક રસ્તા વચ્ચે ગાય આવી જતાં છકડો રીક્ષા ચાલકને અકસ્માત નડયો હતો.અકસ્માતમાં રીક્ષા પલ્ટી ખાઇ જતાં તેમાં બેઠેલા દંપતિને ગંભીર ઇજાઓ પહોંચતા સારવાર અર્થે ડીસાની સિવિલ હોસ્પિટલમાં ખસેડાયા હતા.આ અંગેની વિગત એવી છે કે, રખડતા ઢોરના કારણે માર્ગ અકસ્માતમાં દિન-પ્રતિદિન વધારો થઇ રહ્યો છે. ડીસા-ભીલડી હાઇવે પર રખડતા ઢોરના કારણે વધુ એક અકસ્માતની ઘટના બની છે.જેમાં ડીસા તાલુકાના વાહરા ગામમાં રહેતાં દેવીપૂજક દંપતી ખેંટવા ગામથી વાહરા તરફ જઇ રહ્યા હતા.તે દરમિયાન અચાનક રસ્તા વચ્ચે ગાય દોડી આવતાં તેમણે સ્ટેયરીંગ પરથી કાબુ ગુમાવતા અકસ્માત સર્જાયો હતો. અકસ્માતમાં રીક્ષા પલ્ટી ખાઇ રોડ પર પટકાતાં તેમાં બેઠેલા દંપતિને ગંભીર ઇજાઓ પહોંચી હતી.108 એમ્બ્યુલન્સ વાન મારફતે બંને ઇજાગ્રસ્તોને સારવાર અર્થે ડીસાની સિવિલ હોસ્પિટલમાં ખસેડાયા હતા. જયારે ઘટના જાણ ઘર નાા લોકો ને જાણ થતા તાત્કાલિક ડીસા ખાતે દોડિ આવ્યા હતાં. રખડતા ઢોરના કારણે સર્જાયેલા અકસ્માતથી રીક્ષા મોટું નુકશાન ભોગવવું પડયું છે..