- એક મહિલા ધારાસભ્ય ભગીરથ ઉમદા કામગીરી ને સરહદી વાવ સુઈગામ અને ભાભર માં લોકો માં બહોળો આવકાર મળી રહ્યો છે
વાવના ધારાસભ્ય ગેનીબેન ઠાકોરે દત્તક લીધેલી દીકરીના લગ્ન ભાભરનાં ઉચોસણ ગામે યોજાયા હતા .કોરોના મહામારીમાં મૃત્યુ પામનાર ઉચોસણ ગામના હંસાબેન બળવંતજી ઠાકોરને ધારાસભ્ય ગેનીબેન ઠાકોરે તેમની દિકરીને દત્તક લઈ ધામધામથી લગ્ન કરાવવાનું વચન આપ્યું હતું.જે વચન પૂરું કરવા વાવના ધારાસભ્ય ગેનીબેન ઠાકોર દ્વારા દત્તક લીધેલી દીકરીનાં લગ્ન પ્રસંગે ગેનીબેન ઠાકોરે આમંત્રિત સર્વે જ્ઞાતિના વડીલો, યુવાનો, માતાઓ બહેનો તમામને આવકાર્યા હતા. ધારાસભ્ય ગેનીબેન ઠાકોરે જણાવ્યું હતું કે, કોરોનાનો ભોગ બની જીવન મરણ વચ્ચે ઝોલ ખાતી સુઇગામ તાલુકાના ઉચોસણ ગામના હંસાબેન બળવંતજી ઠાકોરને મૃત્યુનો ભય કરતા પોતાની દીકરીના લગ્નની ચિંતા વધું હતી જે તેઓએ મારી સમક્ષ રજુ કરી હતી. મેં કોરોના કાળમાં ઓક્સિજનની અછત વચ્ચે આ હંસાબેનને બચાવવાનો પ્રયત્ન કર્યા હતા છતાં કુદરતની ઈચ્છા આગળ આપણી ઇચ્છાઓનું જોર ન ચાલ્યું. જોકે, મેં હંસાબેનને વચન આપ્યું હતું કે, તમારો જીવ બચાવવો એ મારા હાથમાં નથી પરંતુ તમારી ઈચ્છા મુજબ આ તમારી દીકરીને મારી દીકરી માની હું તેના રંગેચંગે લગ્ન કરાવીશ. જેથી મેં આપેલા વચન મુજબ આ દત્તક દીકરી સંગીતાબેનના લગ્ન ધામ ધૂમ થી કરાવ્યાં હતા.ઉલ્લેખનીય છે કે એક મહિલા ધારાસભ્ય ભગીરથ ઉમદા કામગીરી ને સરહદી વાવ સુઈગામ અને ભાભર માં લોકો માં બહોળો આવકાર મળી રહ્યો છે
આ પર્સંગે વાવ વિધાન સભા ના વાવ સુઈગામ અને ભાભર તાલુકા ના સમિતિ પ્રમુખ તેમજ ગુજરાત પ્રદેશ કોંગ્રેસ અધ્યક્ષ જગદીશ ઠાકોર સહિત ધારાસભ્યો અને આગેવાનો હોદ્દેદારો સહીત વાવ સુઈગામ અને ભાભર તાલુકા ના અગ્રણી અને લોકો બહોળી સંખ્યા માં જોડાયા હતા
