પીએમના બંદબસ્તમાંથી દોડેલા થરાદ પાલિકાની ફાયરટીમના કર્મચારીઓએ કોતરવાડા ગામની સીમમાં ટ્રેલર અને કેમિકલનું ટેન્કર વચ્ચે અસ્માતમાં ફસાયેલા એક વ્યક્તિને જીવીત બચાવી લીધો હતો. જે કે તેમણે બે ને ન બચાવી શકાયાનો અફસોસ પણ વ્યક્ત કર્યો હતો. થરાદ મીઠા હાઇવે પર આવેલા કોતરવાડા ગામની સીમમાં ચામુંડા પેટ્રોલ પંપની સામે ભાભર રોડ પર ટ્રેલર અને કેમિકલનું ટેન્કર વચ્ચે ગમખ્વાર અસ્માત સર્જાતાં બંન્ને ગાડી બળીને ખાખ થવા પામી હતી. જ્યારે બે વ્યક્તિ પણ જીવતા ભુંજાયા હતા. આ બનાવ અંગે દિયોદર મુકામે પીએમ બંદોબસ્તમાં રહેલાથરાદ નગરપાલિકાના ફાયરટીમ કર્મીઓને કોલ મળતાં તેઓ તાબડતોબ દોડી આવ્યા હતા. અને એક વ્યક્તિને જીવતો બચાવી લીધો હતો. આ અંગે પાલિકાના ફાયર ઓફીસર વિરમ રાઠોડે જણાવ્યું હતું કે એસઓજીના અંડરમાં હેલીપેડ પર તેઓ સાથીદાર ધનજી પ્રજાપતિ અને શૈલેષ ઠાકોર સાથે સીઓ અને પ્રાંતની ઇમરજન્સી પરમીશન લઇને દોડી આવ્યા હતા. અને આગ પણ તરત ઓલવી નાખી હતી. તેમજ રાત્રે અગિયાર વાગ્યે પરત નિયત સ્થળે પહોંચી પણ ગયા હતા. જે કે કાર્યક્રમ સ્થળથી ૨૫ કિમી દુર ઘટના હોઇ બે વ્યક્તિ ને ન બચાવી શકવાનો અફસોસ પણ તેમણે વ્યક્ત કર્યો હતો.