જયપુરના સવાઈ માનસિંહ સ્ટેડિયમમાં બુધવારે રમાયેલી રોમાંચક મેચમાં ભારતીય ટીમે ન્યૂઝીલેન્ડને 5 વિકેટે હરાવ્યું હતું. આ જીત સાથે કેપ્ટન રોહિત શર્મા અને કોચ રાહુલ દ્રવિડનો યુગ જોરદાર રીતે શરૂ થયો છે. પ્રથમ બેટિંગ કરતા ન્યુઝીલેન્ડે 6 વિકેટે 164 રન બનાવ્યા હતા. જવાબમાં, ભારતે રોહિત શર્મા (48 રન, 36 બોલ, 5 ચોગ્ગા, 2 છગ્ગા) અને સૂર્યકુમાર યાદવ (62 રન, 40 બોલ, 6 ચોગ્ગા અને 3 છગ્ગા)ની શાનદાર બેટિંગને કારણે 2 બોલ બાકી રહેતા મેચ જીતી લીધી હતી. ભારતે શ્રેણીમાં 1-0ની સરસાઈ મેળવી લીધી છે, જ્યારે બીજી મેચ 19 નવેમ્બરે રાંચીમાં રમાશે.