ગુજરાતની વડગામ બેઠક પર ત્રિકોણીય મુકાબલો આ વખતે જોવા મળ્યો છે ત્યારે જીજ્ઞેશ મેવાણી બીજી વખત જીતશે કે સમીકરણ બદલાશે તેના પર પણ સૌ કોઈની નજર છે. ગુજરાતમાં આવતીકાલે 8મી ડિસેમ્બરે મતગણતરી સવારે 8 કલાકથી જ શરુ થઈ જશે. વડગામ બેઠક પર આ વખતે ત્રિકોણીય મુકાબલો આપ, ભાજપ, કોંગ્રેસના ઉમેદવાર ઉપરાંત એઆઈએમઆઈએએમ પણ સામેલ છે. કોંગ્રેસે આ બેઠક પરથી જીગ્નેશ મેવાણીને ટિકિટ આપી છે. શું જીગ્નેશ મેવાણી બીજી વખત જીતી શકશે?
વડગામ બેઠક પર ભાજપે મણીભાઈ વાઘેલાને પોતાના ઉમેદવાર બનાવ્યા છે. કોંગ્રેસે જીગ્નેશ મેવાણીને ટિકિટ આપી છે જ્યારે આમ આદમી પાર્ટી એ દલપત ભાટિયાને ટિકિટ આપી છે. આ સાથે AIMIMના ઉમેદવાર કલ્પેશ સુંઢીયા પણ મેવાણીને પડકાર આપી શકે છે.
વડગામમાં એસસી અને મુસ્લિમ મતદારો કોને ફળશે
વડગામ, ગુજરાતમાં એસસી પ્રભુત્વ ધરાવતો વિધાનસભા મતવિસ્તાર, મુસ્લિમ અને દલિત મતદારોની મોટી સંખ્યા સાથેની વસ્તી વિષયક પ્રોફાઇલને કારણે કોંગ્રેસ માટે સરળ બેઠક રહી છે. 2017માં જીગ્નેશ મેવાણી, એક દલિત નેતા અને અપક્ષ ઉમેદવાર તરીકે બેઠક જીત્યા હતા. આ સિવાય તેમને કોંગ્રેસનું સમર્થન હતું.
વડગામમાં ત્રિકોણીય હરીફાઈ સાથે એઆઈએમઆઈએમ પણ છે હરીફાઈમાં
ભાજપના ઉમેદવાર મણિભાઈ વાઘેલાએ 2012થી 2017 સુધી આ બેઠક પરથી કોંગ્રેસના ભૂતપૂર્વ ધારાસભ્ય છે અને બાદમાં ભાજપમાં જોડાવા માટે સૌથી જૂની પાર્ટી કોંગ્રેસને છોડી દીધી હતી. આ બેઠક પર પણ ભાજપ સામે અનેક પડકારો હશે. આ બેઠક પરથી કોંગ્રેસના ઉમેદવાર જીજ્ઞેશ મેવાણી અને આમ આદમી પાર્ટી (આપ)ના ઉમેદવાર દલપત ભાટિયા ભાજપના ઉમેદવાર સામે ટકરાશે. આ સાથે AIMIMના ઉમેદવાર કલ્પેશ સુંઢીયા પણ કોંગ્રેસના ઉમેદવાર મેવાણીને પડકાર આપી રહ્યા છે.
મેવાણીને કેટલા મળ્યા હતા વોટ
2017માં વડગામ વિધાનસભા બેઠક પરથી 10 ઉમેદવારોએ ચૂંટણી લડી હતી. તે ગુજરાતમાં અપક્ષ ઉમેદવારોએ જીતેલી ત્રણ બેઠકોમાંથી એક હતી. જીગ્નેશ મેવાણીએ ભાજપના ચક્રવર્તી વિજયકુમાર હરખાભાઈને 19,696 મતોની સરસાઈથી હરાવીને બેઠક જીતી હતી. જ્યારે મેવાણીને કુલ 95,497 મત મળ્યા, જ્યારે ભાજપના હરખાભાઈને 75,801 મત મળ્યા. અપક્ષ ઉમેદવાર મકવાણા નરેન્દ્રકુમાર પૂજાભાઈ 3,711 મતો મેળવીને ત્રીજા ક્રમે રહ્યા હતા. 2012ની ગુજરાત વિધાનસભાની ચૂંટણીમાં INCના મણીલાલ જેઠાભાઈ વાઘેલાએ ભાજપના વાઘેલા ફકીરભાઈ રાઘાભાઈને 21,839 મતોથી હરાવ્યા હતા.
