પાલનપુરમાં રહેતો એક યુવક અમીરગઢ સરકારી હોસ્પિટલમાં નોકરી કરે છે. 10 દિવસ અગાઉ એક યુવતીનો તેના મોબાઈલ પર ફોન આવ્યો હતો. જેથી યુવક યુવતીને મળવા પહોંચ્યો હતો. જ્યાં અગાઉથી જ રાહ જોઈને બેઠેલા લોકો લોખંડ ની પાઇપ સહિતના હથિયારો સાથે સાત શખ્સોએ યુવકને બળજબરી પૂર્વક આંખે પટ્ટી બાંધી ગાડીમાં નાખી અપહરણ કર્યું હતું. અપહરણ કરી આ યુવકને દાંતીવાડા ડેમ પર લઈ જઈ માર મારી યુવકોના સમાજની યુવતી સાથે સબંધ રાખે છે તેમ કહી યુવકનો નગ્ન વીડિયો ઉતારી માર માર્યો હતો અને જો કોઈને આ બાબતે કોઈને કહેશે તો તેનો વીડિયો વાયરલ કરી જાનથી મારી નાખવાની ધમકીઓ આપી છોડી મૂક્યો હતો. ડરના માર્યા આ યુવક કોઈને કહ્યું નહોતું. ત્યારબાદ હવે આર્યન મોદી સાથે બનેલી ઘટના બાદ આ યુવક પણ પોલીસની પાસે પહોંચ્યો હતો અને સમગ્ર ઘટનાની જાણ કરી સાત શખ્સો સામે ફરિયાદ નોંધાવી હતી. પાલનપુર પશ્ચિમ પોલીસે યુવકની ફરિયાદના આધારે સાત લોકોની શોધખોળ હાથ ધરી છે.
પાલનપુર માં વધુ એક યુવકનું અપરણ કરી તેનો નગ્ન વીડિયો ઉતારી ધમકી આપી હોવાની પોલીસ ફરિયાદ નોધાઇ
