યુનિક આઇડેન્ટીફિકેશન આધાર એટલે કે તમારું આધાર કાર્ડ જ તમારું મહત્વનું દસ્તાવેજ છે. આવામાં તમારા આધાર કાર્ડની સુરક્ષા કરવી જરૂરી છે અને તેની સુરક્ષા કેવી રીતે કરવી તેનું ધ્યાન રાખવું તમારી જવાબદારી છે. આધારના ઓપરેશન જોવાવાળી સંસ્થા ‘The Unique Identification Authority of India’ એટલે કે તમારું UIDAI તમને એ સુવિધા આપે છે કે તમે ચેક કરી શકો છો કે તમારું આધાર કાર્ડ ક્યાં ક્યાં વપરાયું છે. UIDAI દ્વારા આપવામાં આવેલ ટૂલથી તમે જાણી શકો છો કે તમારું આધાર વેરિફિકેશન ક્યાં વપરાયું છે.
જો તમે પણ તમારું આધાર કાર્ડ ક્યાં વપરાયું છે એ જાણવા માંગો છો તો આ સ્ટેપને ફોલો કરો અને આધાર કાર્ડથી થતાં ફ્રોડથી બચો.
સ્ટેપ 1 – સૌથી પહેલા UIDAIની અધિકૃત વેબસાઇટ https://uidai.gov.in/ પર જાઓ.
સ્ટેપ 2 – ‘My Aadhaar’ ટેબમાં તમને ‘Aadhaar Services’નો ઓપ્શન જોવા મળશે. ત્યાં ‘Aadhaar Authentication History’ વિકલ્પ પર ક્લિક કરો.
સ્ટેપ 3 – ત્યાંથી એક નવું પેજ ખુલશે, જ્યાં તમારે 12 ડિજિટના આધાર નબંર નાખવા પડશે.
સ્ટેપ 4 – એ પછી તમારે ‘CAPTCHA Code’ કોડ નાખવો પડશે.
સ્ટેપ 5 – ત્યાંથી તમારે ‘Generate OTP’ પર ક્લિક કરવું પડશે એ પછી એક બીજું પેજ ખુલશે.
સ્ટેપ 6 – આ પેજ પર તમને જે જાણકારી જોવી છે તેના પર ક્લિક કરો અથવા તો તેનો ટાઈમ પિરિયડ કે પાછલા ટ્રાન્જેક્શન ડિટેલ જોવાનો વિકલ્પ મળશે.
સ્ટેપ 7 – હવે તમારે તમારા રજીસ્ટર્ડ નંબર પર આવેલ OTP નાખવો પડશે.
સ્ટેપ 8 – એ પછી તમને તમારા આધાર કાર્ડ નંબરનો જ્યાં જ્યાં વપરાશ થયો છે એ વિશે દરેક ડિટેલ મળશે.
આ જોઈને તમે ખબર લગાવી શકો છો કે આધાર કાર્ડ નમબરનો વપરાશ તમે જ કર્યો છે કે બીજા કોઈએ પણ ક્યાંય વપરાશ કર્યો છે.
