રાહુલ ગાંધીની શીખ લીધા બાદ કોંગ્રેસના નેતાઓની વિધાનસભા ચૂંટણીલક્ષી કોંગ્રેસ પ્રભારી અધ્યક્ષતામાં બેઠક

રાહુલ ગાંધીનો ગઈકાલે ગુજરાત પ્રવાસ યોજાયો હતો ત્યારે રાહુલ ગાંધીએ મહત્વની બેઠક યોજી હતી. ત્યારે આગામી વિધાનસભાની ચૂંટણીને જોતા રાહુલ ગાંધીએ કેટલાક જરૂરી સૂચનો કર્યા હતા ત્યારે આજે કોંગ્રેસ પ્રભારી રઘુ શર્માની અધ્યક્ષતામાં બેઠક મળી છે. આ બેઠકની અંદર વિવિધ મુદ્દે ચર્ચા કરવામાં આવશે. અત્યારે કોંગ્રેસમાંથી ભાજપમાં જવાનો સીલસીલો ચાલી રહ્યો છો ત્યારે કોંગ્રેસ માટે આ સિવાય અંદરો અંદરનો વિખવાદ પણ જોવા મળ્યો છે. ત્યારે આ તમામ પડકારોની વચ્ચે કોંગ્રેસ દ્વારા વિવિધ મુદ્દે રણનિતી બનાવવામાં આવી રહી છે ત્યારે રઘુ શર્મા માટે પણ વિધાનસભાની ચૂંટણી પડકાર છે. કેમ કે, પ્રથમ વખત પ્રભારી તરીકેની તેમની આગેવાની ચૂંટણી યોજાવા જઈ રહી છે. ત્યારે કોંગ્રેસ દ્વારા રણનિતી ઘડવામાં આવી રહી છે. ખાસ કરીને વિધાસનભાની ચૂંટણી પહેલા કોંગ્રેસ દ્વારા પ્રભારીની અધ્યક્ષતામાં મળેલી બેઠકમાં તમામ મોરચે ચર્ચા કરવામાં આવશે. કોંગ્રેસના ધારાસભ્યો સહીત પ્રદેશના નેતાઓની ઉપસ્થિતિમાં રાજીવ ગાંધી ભવન ખાતે ચર્ચા કરવામાં આવશે. વિધાનસભાની ચૂંટણીનું આ વર્ષ છે ત્યારે કોંગ્રેસ દ્વારા પ્રચાર નિતીથી લઈને મતદારોને આકર્ષવા સહીતના વિવિધ મુદ્દે ચર્ચા કરવામાં આવશે અને તાબડતોડ આગામી સમયમાં વિરોધ પણ કરવામાં આવશે.