ગુજરાત ATS અને DRIએ 200 કરોડનું હેરોઈન સાથે અફગાનિસ્તાનના વ્યક્તિ ધરપકડ કરી

ગુજરાત ATS દ્વારા હાલમાં DRI સાથે કરેલ જોઇન્ટ ઓપરેશનમાં પકડી પાડવામાં આવેલ નાર્કોટીકસના મોટા જથ્થા સંદર્ભે ડી.જી.પી.શ્રી આશીષ ભાટિયાના અધ્યક્ષ સ્થાને આજે પ્રેસ કોન્ફરન્સ યોજવામાં આવી હતી જેમાં તેમણે ઓપરેશન ગીયર બોક્સની માહિતી આપી હતી. ગુજરાત એટીએ અને ડિઆરઆઈની ટીમે દુબઈથી આવેલો અને ફેબ્રુઆરી માસથી કોલકત્તા પોર્ટમાં પડેલો હેરોઈનનો જથ્થો ઝડપ્યો છે. પોલીસના ઓપરેશન ગીયર બોક્સમાં રૂ. 200 કરોડની કિંમતનું 40 કિલો હેરોઈન મળી આવ્યું છે. કોલકત્તા પોર્ટ પરથી 12 ગીયર બોકસમાં છુપાવેલા 72 પેકેટ ઝડપી લેવામાં આવ્યા છે. DGP આશિષ ભાટિયાએ વિગતો આપતા જણાવ્યું કે, કોલકત્તા પોર્ટ પર એક કન્ટેનરમાં ડ્રગ્સ હોવાની અમને બાતમી મળી હતી. જ્યાં ટીમે તપાસ કરતા ગીયર બોક્સમાં છૂપાવીને લાવવામાં આવેલો હેરોઈનનો જથ્થો મળ્યો હતો. 36 ગીયરબોક્સમાંથી 12 ગીયર બોક્સ વાઈટ ઈન્કથી માર્ક કરેલા હતા જેના નટબોલ્ટ ખોલીને તપાસતા તેમાંથી 72 પેકેટ હેરોઈનના મળી આવ્યા હતા તપાસ માં સામે આવ્યું છે કે દુબઈની એક ટ્રેડિંગ કંપની દ્વારા હેરોઇન મોકલવામાં આવ્યું હોવાનું સામે આવ્યું. જોકે આ ડ્રગને ભારતમાં કોણ લેવાનો હતો તે માટેની કાર્યવાહી શરૂ કરવામાં આવી રહી છે. મહત્વ નું છે કે હાલમાં પણ દિલ્હીથી ગુજરાત ATS અને દિલ્હી સ્પેશિયલ ટીમે એક અફગાનિસ્તાનના વ્યક્તિની 30 કિલો હેરોઇન સાથે ધરપકડ કરી હતી.