પબ્લિક પ્રોવિડન્ટ ફંડ એટલે કે પીપીએફ (PPF) સલામત રોકાણ માટે એક શ્રેષ્ઠ ઓપ્શન છે. તમે બેંક અથવા પોસ્ટ ઓફિસમાં PPF એકાઉન્ટ ખોલીને ઓછા ઇન્વેસ્ટમેન્ટ સાથે શરૂઆત કરી શકો છો. તેમા વાર્ષિક ઓછામાં ઓછા 500 રૂપિયા અને વધુમાં વધુ 1.5 લાખ રૂપિયા જમા કરવાની જોગવાઈ છે. હાલમાં PPF પર વ્યાજ દર 7.10 ટકા છે. સપ્ટેમ્બરમાં પૂરા થતા ક્વાર્ટરમાં PPF ના વ્યાજ દરમાં વધારો થવાની શક્યતા છે. છેલ્લા કેટલાક વર્ષોમાં સરકારે તેના નિયમોમાં ફેરફાર કર્યા છે. ચાલો જાણીએ આ ફેરફારો વિશે.
મહિનામાં ફક્ત એક જ વાર જમા થશે રૂપિયા
પીપીએફ એકાઉન્ટમાં ઇનવેસ્ટમેન્ટ 50 રૂપિયાના મલ્ટીપલમાં હોવું જોઈએ. આ રકમ વાર્ષિક ઓછામાં ઓછી 500 રૂપિયા કે તેથી વધુ હોવી જોઈએ. તમે આખા નાણાકીય વર્ષ દરમિયાન PPF એકાઉન્ટમાં 1.5 લાખ સુધી જમા કરાવી શકો છો. તેના પર જ તમને ટેક્સ છૂટનો લાભ મળે છે. આ સિવાય મહિનામાં એકવાર પીપીએફ એકાઉન્ટમાં રૂપિયા જમા કરાવી શકાય છે.
લોનના વ્યાજદરમાં ઘટાડો
પીપીએફ એકાઉન્ટમાં રહેલી બેલેન્સ સામે પણ લોન લઈ શકાય છે. છેલ્લા દિવસોમાં આ વ્યાજ દર 2 ટકાથી ઘટાડીને 1 ટકા કરવામાં આવ્યો છે. લોનની મૂળ રકમ ચૂકવ્યા પછી તમારે બે કરતાં વધુ હપ્તામાં વ્યાજ ચૂકવવું પડશે. દર મહિનાની પહેલી તારીખે વ્યાજની ગણતરી કરવામાં આવે છે.
મેચ્યોરિટી પછી પણ એક્ટિવ રહેશે એકાઉન્ટ
PPF માં 15 વર્ષ સુધી રોકાણ કર્યા પછી જો તમને ઇનવેસ્ટમેન્ટમાં રસ ન હોય, તો તમે રોકાણ કર્યા વિના પણ PPF એકાઉન્ટ ચાલુ રાખી શકો છો. 15 વર્ષ પૂરા થયા પછી આ એકાઉન્ટમાં રૂપિયા જમા કરાવવા જરૂરી નથી. તમે મેચ્યોરિટી પછી PPF એકાઉન્ટને લંબાવવાનું પસંદ કરીને નાણાકીય વર્ષમાં માત્ર એક જ વાર રૂપિયા ઉપાડી શકો છો.
ફોર્મ એ ભરવુ જરૂરી
PPF એકાઉન્ટ ખોલવા માટે ફોર્મ એ (Form-A) ના બદલે ફોર્મ-1 (Form-1) સબમિટ કરવું પડશે. મેચ્યોરિટીના એક વર્ષ પહેલા PPF એકાઉન્ટના 15 વર્ષ પછી (થાપણો સાથે) વિસ્તરણ માટે વ્યક્તિએ ફોર્મ H ને બદલે ફોર્મ-4 માં અરજી કરવી પડશે.
PPF પર લોનના નિયમો
PPF એકાઉન્ટ સામે લોન લેવાનો નિયમ એ છે કે તમે અરજીની તારીખના બે વર્ષ પહેલા તમારા એકાઉન્ટમાં ટોટલ બેલેન્સના 25 ટકા સુધીની લોન મેળવી શકો છો. એટલે કે તમે 31 ઓગસ્ટ 2022ના રોજ લોન માટે અરજી કરી હતી. આના બે વર્ષ પહેલા (31 ઓગસ્ટ 2020) ના રોજ તમારા પીપીએફમાં 1 લાખ રૂપિયા હતા, તો તમને તેનો 25 ટકા એટલે કે 25 હજાર રૂપિયા સુધીની લોન મેળવી શકશો.