ધાનેરાના થાવરમાં તપાસ કરવા ગયેલી પોલીસ ટીમ ઉપર હુમલો,ત્રણ લોકો સામે પોલીસ ફરિયાદ નોધાઇ

ધાનેરા તાલુકાના થાવર ગામે દિનેશભાઈ વાલાભાઈ પટેલ સામે પોલીસ મથકમાં અરજી આવી હતી. જેની તપાસ કરવા માટે અને નિવેદન લેવા માટે ધાનેરા પોલીસ મથકના કોન્સ્ટેબલ રમેશભાઈ સવજીભાઈ, અ.પો.કો. કુલદીપસિંહ, ભુરાભાઈ અને ઉમાભાઈ ગયા હતા. જ્યાં દિનેશભાઈએ પરિવારના સભ્યોને ઉશ્કેરી પોલીસને મારો આપણા ઘરે આવે જ નહિ તેમ કહેતા વાલાભાઇ દરઘાભાઇ પટેલ ઘરમાંથી સગળતું લાકડું લાવી પોલીસ કર્મી ઉમાભાઇના પગમાં ચાંપ્યું હતુ. તેમજ રમેશભાઇના પગમાં બચકું ભર્યુ હતુ.કેશીબેન વાલાભાઇ પટેલે સાવરણીથી હૂમલો કર્યો હતો. જ્યારે દિનેશભાઇ ગજાભાઇ પટેલ લાકડી લઇ મકાનના રસોડાના ભાગે ચડી નીચે પડ્યો હતો. જે તમામની અટકાયત કરવામાં આવી હતી. આ અંગે પોલીસ કર્મી રમેશભાઇએ ધાનેરા પોલીસ મથકે દિનેશભાઈ વાલાભાઈ પટેલ  ,દિનેશભાઈ ગજાભાઈ પટેલ ,વાલાભાઈ દરધાભાઈ પટેલ ,કેશીબેન વાલાભાઈ પટેલ ના વિરુધ માં ફરીયાદ નોંધાવી હતી.જયારે પોલીસે  આ સમગ્ર મામલે તમામ ના વિરુધ માં આઈ.પી.સી.કલમ ૧૮૬ ,૩૩૨ ,૩૫૩ ,૧૧૪ જીપી એકટ ૧૩૫ મુજબ નો ગુન્હો નોધી તપાસ હાથધરી છે