વજન ઓછુ કરવા માટે જરૂરી નથી કે ખાવા-પીવાનું છોડી દેવું. તમે તમારા ડાયટમાં કેટલીક હેલ્ધી અને ઓછી કેલરીવાળી વસ્તુઓને શામેલ કરો છો તો તમે વજનને ઓછુ કરી શકો છો. સામાન્ય રીતે લોકો વજન ઓછુ કરવા માટે મીઠુ એટલે કે ગળ્યુ ખાવાનું છોડી દેતા હોય છે. તો આજે અમે તમને એક એવી રેસિપી જણાવીશું જેનો સ્વાદ ભરપૂર હોય અને તમારું વજન પણ તમે એનાથી ઓછુ કરી શકો. તો જાણી લો આ રેસિપી વિશે અને તમે પણ આજે જ ઘરે બનાવો મેથીના લાડુ.
સામગ્રી
4 ચમચી મેથીના દાણા
2 કપ ઘઉંનો લોટ
1 કપ દૂધ
2 ચમચી ગુંદ
ગોળ
1 કપ ડ્રાયફ્રૂટસ
2 ચમચી સૂંઠ પાવડર
3 થી 4 ઇલાયચી
જાયફળ
તજ
ઘી
બનાવવાની રીત
- મેથીના લાડુ બનાવવા માટે સૌ પ્રથમ મેથીના દાણાને મિક્સરમાં અધકચરા પીસી લો.
- ત્યારબાદ એમાં મેથીના દાણાના અધકચરા પાવડરમાં ડ્રાયફ્રૂટ્સ અને ઇલાયચી પાવડર મિક્સ કરો.
- ત્યારબાદ એક કઢાઇ લો અને એમાં ઘી ગરમ કરવા માટે મુકો.
- ઘી ગરમ થઇ જાય એટલે એમાં મેથી પાવડર નાંખો અને એને શેકી લો.
- ત્યારબાદ ગુંદને અલગથી શેકી લો.
- પછી ગુંદમાં મેથી પાવડર નાંખો અને બરાબર મિક્સ કરી લો.
- ત્યારબાદ આ મિશ્રણમાં ગોળ મિક્સ કરો અને બરાબર હલાવી લો.
- ત્યારબાદ આ મિશ્રણમાં દૂધ નાંખો અને બરાબર મિક્સ કરી લો.
- જ્યારે મિશ્રણ આ બધી વસ્તુઓમાં બરાબર મિક્સ થઇ જાય એટલે ગેસ બંધ કરી દો.
- હવે આ મિશ્રણને નોર્મલ રૂમ ટેમ્પરેચર પર ઠંડુ થવા દો.
- પછી એમાંથી ગોળાકાર લાડુ વાળો.
- એક પછી એક એમ બધા લાડુ વાળી લો અને પ્લેટમાં લઇ લો.
- તો તૈયાર છે હેલ્ધી અને સ્વાદિષ્ટ મેથીના લાડુ.
- આ લાડુ તમે દિવસમાં એક ખાઓ છો તો આખા દિવસની એનર્જી રહે છે અને સાથે વિટામીન્સ પણ પૂરતા પ્રમાણમાં મળી રહે છે. આ લાડુ તમે રોજ ખાઓ છો તો તમારું વજન પણ ઉતરે છે.
