કેન્દ્ર સરકારે 11 થી 17 ઓગસ્ટ દરમિયાન દેશભરમાં હર ઘર ત્રિરંગા અભિયાન યોજવાનું નક્કી કર્યું છે. ગુજરાતમાં અંદાજે 1.25 કરોડ ઘરો છે, જેમાંથી 1 કરોડ ઘરોમાં ત્રિરંગો લહેરાવવાનું લક્ષ્ય છે, એમ સૂત્રોએ જણાવ્યું હતું. ગુજરાતમાં પણ આ અભિયાન અંતર્ગત ઘર,ઉદ્યોગ,સંસ્થા,હોટલ સહિત દરેક જગ્યાએ ત્રિરંગો લહેરાવવાનું સ્વયંભૂ અભિયાન ચલાવવામાં આવશે. સૂત્રોએ જણાવ્યું કે, વિભાગે રમતગમત અને યુવા સંસ્કૃતિ મંત્રી હર્ષ સંઘવીના માર્ગદર્શન હેઠળ આ બાબતે તૈયારીઓ શરૂ કરી દીધી છે. ગુજરાતમાં અંદાજે 1.25 કરોડ ઘરો છે, જેમાંથી 1 કરોડ ઘરોમાં ત્રિરંગો લહેરાવવાનું લક્ષ્ય છે, એમ સૂત્રોએ જણાવ્યું હતું. રાજ્યના ખાદ્ય-નાગરિક અને પુરવઠા વિભાગે પણ આ અભિયાન અંતર્ગત સસ્તા અનાજની દુકાનોને ત્રિરંગો લહેરાવવાની સૂચના આપતો પરિપત્ર બહાર પાડ્યો છે. આ ઝુંબેશ ફરજિયાત નથી, પરંતુ દરેક નાગરિક તેમાં જોડાવા પ્રયાસ કરશે તેમ સૂત્રોએ જણાવ્યું હતું. કેન્દ્ર સરકારે ત્રિરંગા ધ્વજ કોડમાં પણ ફેરફાર કર્યો છે. સૂત્રોએ જણાવ્યું કે અગાઉ એવો નિયમ હતો કે માત્ર ખાદીના કાપડમાં જ ત્રિરંગો હોય, પરંતુ સુધારેલી ખાદી અથવા હાથથી કાપેલા કાપડ, મશીનથી બનેલા કાપડ, પોલિએસ્ટર, ઊન, સિલ્કને પણ મંજૂરી આપવામાં આવશે.