ડીસા શહેરમાં છેલ્લા ઘણા સમયથી તેલમાં તેલમાં ભેળસેલ થતું હોવાની બુમરાડો સામે આવી હતી. જે અંતર્ગત ડીસા શહેરમાં અનેક વાર વહીવટી તંત્ર દ્વારા તપાસ હાથ ધરવામાં આવી છે અને તેલનું ભેળસેળ કરતા વેપારીઓની દુકાનો પરથી સેમ્પલ લઈ તપાસ હાથ ધરવામાં આવે છે. જે અંતર્ગત આજે ડીસા શહેરના રસાલા બજાર વિસ્તાર પાસે આવેલ જતીન ટ્રેડિંગ નામની દુકાન પર સવારે ફ્રુડ એન્ડ ડ્રગ્સ વિભાગના તપાસ હાથ ધરવામાં આવી હતી.જેમાં જતીન ટ્રેડિંગ નામની દુકાનમાં પડેલ તમામ તેલના જથ્થાના સેમ્પલ લેવામાં આવ્યા હતા.અને આ તમામ સેમ્પલ એફ.એસ એલ લેબમાં તપાસ અર્થે મોકલવામાં આવ્યા હતા.આજે ફ્રુડ એન્ડ ડ્રગ્સ વિભાગના દરોડાના પગલે તેલનો વેપારી કરતા વેપારીઓ પણ ઘટના સ્થળે દોડી આવ્યા હતા. વર્ષોથી ડીસા શહેરમાં અનેક વસ્તુઓનું ભેળસેળ કરવામાં આવે છે મોટાભાગે ડીસા શહેરમાં ખાદ્ય પદાર્થોનું મોટા પ્રમાણમાં વ્યાપારીઓ નજીવા પૈસા કમાવાની લ્હાયમાં ભેળસેળ કરતા હોય છે ત્યારે લાગતા વળગતા અધિકારીઓ દ્વારા આવા વેપારીઓ સામે કડકમાં કડક કાર્યવાહી કરવામાં આવે તો આગામી સમયમાં લોકો સાથે જે ચેડા થઇ રહ્યા છે તે અટકી શકે તેમ છે.