આગામી વિધાનસભાની ચૂંટણીના સંદર્ભે સરકારશ્રી દ્વારા મતદાર યાદી સુધારણાની ઝુંબેશ ચલાવવામાં આવી રહી છે. આ કામગીરી શાળાના શિક્ષકોને સોંપવામાં આવી છે અને તેમની બીએલઓ તરીકે નિમણૂક કરવામાં આવેલ છે. આ કામગીરી અંતર્ગત 21, 28 ઓગષ્ટ અને 4 અને 11 સપ્ટેમ્બર નાં દિવસે ખાસ ઝુંબેશ તરીકે યોજવાનું નક્કી થયેલ છે.. જેના સંદર્ભે ભાભર મામલતદાર તેમજ નાયબ મામલતદાર ની ટીમ દ્વારા સંબંધિત મતદાન મથકોની મુલાકાત લેતા મતદારો હાજર જોવા મળેલ નહિ પરંતુ બીએલઓ ફરજ પર ગેરહાજર જોવા મળેલ.આમ બીએલઓ ને સોંપવામાં આવેલ ચૂંટણી પંચ દ્વારા રાષ્ટ્રીય કામગીરીની અવગણના કરવા બદલ ૧૦ જેટલા બી.એલ.ઓ. ને નોટિસ ફટકારી ફરજ પર ગેરહાજર રહેવા તેમજ કારણ બતાવી ખુલાસો કરવાનું જણાવવામાં આવતા ગુલ્લીબાજ બીએલઓ માં ફફડાટ વ્યાપી ગયો હતો