યુવકને વ્હોટ્સએપ પર અજાણી યુવતીનો ફોન આવ્યો, ધીમે-ધીમે ‘પ્રેમ’ થયો અને એક દિવસ યુવક વિડીયો કૉલમાં ન્યૂડ થયો અને પછી…
- મુંબઈ: મુંબઈની નજીક આવેલા થાણે જિલ્લામાં વર્ક ફ્રોમ હોમ કરી રહેલા યુવક પાસેથી મહિલાએ 37 હજાર રૂપિયા પડાવી લીધી. અજ્ઞાત મહિલાએ તેણે પોતાની જાળમાં ફસાવી તેનો ન્યૂડ વિડીયો રેકોર્ડ કરી લીધો અને પછી વિડીયો વાયરલ કરવાની ધમકી આપી તેની પાસેથી 37 હજાર રૂપિયા વસૂલ્યા. બાદમાં યુવકે પોલીસમાં કેસ નોંધાવ્યો. રિપોર્ટ અનુસાર, ગત મહિને યુવકને વ્હોટ્સએપ પર કોઈ મહિલાનો કૉલ આવ્યો હતો. ત્યારબાદ બંને વચ્ચે વાતચીત શરૂ થઈ હતી. એક દિવસ મહિલાએ યુવકને વિડીયો કૉલમાં ન્યૂડ થવાનું કહ્યું. પછી તેણે વિડીયો રેકોર્ડ કરી લીધો અને 50 હજાર રૂપિયાની માગણી કરી
- પીડિત યુવક 25 વર્ષનો છે અને એક પ્રાઈવેટ ફર્મમાં કામ કરે છે. મહિલાએ તેને ધમકીભર્યા કૉલ કરી 50 હજાર રૂપિયા માગ્યા અને જો પૈસા નહીં આપે તો વીડિયો વાયરલ કરી દેવાની ધમકી આપી.
- બાદમાં યુવકે 37 હજાર રૂપિયા તે મહિલાને આપ્યા. તેણે મહિલાએ આપેલા એક નંબર પર ડિજિટલી આ રકમ ટ્રાન્સફર કરી. બાદમાં તેણે આ અંગે પોલીસમાં ફરિયાદ નોંધાવી છે. પોલીસે કેસ નોંધી આગળની કાર્યવાહી શરૂ કરી દીધી છે.