બનાસકાંઠા જિલ્લામાં વન રક્ષક અને વનપાલ કર્મીઓ ગ્રેડ પે વધારાની માંગ સાથે આગામી 28 ઓગસ્ટ થી અચોક્કસ મુદ્દતની હડતાલ ઉતરશે વાઈલ્ડ લાઈફ ડિવિઝન અને સોશિયલ વનીકરણના કર્મીઓએ પર્યાવરણના મુખ્ય સચિવને આવેદનપત્ર પાઠવ્યું. બનાસકાંઠા જિલ્લામાં વન રક્ષક અને વનપાલ કર્મીઓ ગ્રેડ પે વધારાની માંગ સાથે આગામી 28 ઓગસ્ટ થી અચોક્કસ મુદ્દતની હડતાલ ઉપર ઉતરી જશે જોકે જિલ્લાના અંદાજે 168 જેટલાં કર્મીઓ વન અને પર્યાવરણ વિભાગન સચિવને આવેદનપત્ર પાઠવી ગ્રેડ પે વધારાની માંગ કરી છે. બનાસકાંઠા જિલ્લામાં એક પછી સરકારી કર્મચારીઓ હડતાલ ઉતરી રહ્યા છે.જ્યાં બે દિવસ અગાઉ તલાટીઓની હડતાલ સમેટાઈ હતી ત્યારે નવીન વનરક્ષકો પોતાની માંગણીઓ સાથે હડતાલ ઉપર ઉતર્યા છે જ્યાં બનાસકાંઠા જિલ્લાના વનરક્ષક વર્ગ 3 ને રૂ.2800 નો ગ્રેડ પે આપવામાં આવતા વનરક્ષક કર્મચારી મંડળ દ્વારા છેલ્લા 2 વર્ષથી સરકારમાં 4200 ગ્રેડ પે કરવા રજુઆત કરવામાં કોઈ નિરાકરણ ન આવતા આજે જિલ્લાના અંદાજે 168 જેટલાં વાઈલ્ડ લાઈફ ડિવિઝન અને સોશિયલ વનીકરણ કર્મીઓ આવેદનપત્ર પાઠવી આગામી 28 ઓગસ્ટ ના અચોક્કસની મુદ્દતને લઈ હડતાલ ઉપર જઈ જિલ્લા નાયબ વન સંરક્ષકને સંબોધી વન અને પર્યાવરણ વિભાગના મુખ્ય સચિવને આવેદનપત્ર આપી ગ્રેડ પે વધારાની માંગ કરી છે.